მას შემდეგ, რაც კორონავირუსის გავრცელება დაიწყო, აზიის ქვეყნებიდან ყველაზე მეტად ირანის სახელმწიფო დაზარალდა. ქვეყანაში ინფიცირების პირველი შემთხვევა თებერვალში დააფიქსირეს. ბოლო კვლევებიდან გამომდინარე, შესაძლოა ჯამში 15 მილიონი ირანელი დაინფიცრებულიყო, რომელთა აღრიცხვაც არ მომხდარა - ამის შესახებ ქვეყნის ერთ-ერთმა მაღალჩინოსანმა განაცხადა. 
"დაახლოებით 15 მილიონი ირანელი შესაძლოა დაინფიცირებულიყო ვირუსით. ეს ნიშნავს იმას, რომ შესაძლოა ვირუსი უკვე ნაკლებად ლეტალური იყოს ვიდრე ჩვენ ველოდით", - განაცხადა ეჰსან მუსტაფავიმ, კორონავირუსის წინააღმდეგ საბრძოლველად შექმნილი ჯგუფის წევრმა მედია სააგენტო "ISNA"-თან ინტერვიუში. 
კვლევის შედეგების და თეორიების დაშვება, მას შემდეგ მოხდა, რაც ისლამურმა სახელმწიფომ პირველმა გამოაცხადა, ირანში კორონავირუსის მეორე ტალღის დაწყების შესახებ.
ტესტირების შედეგად, რომლის მიზანიც ირანის მოქალაქეებში ანტისხეულების გამოვლენას ისახავდა მიზნად, აჩვენა, რომ გამოკვლეული პაციენტების 18,75%-ს სისხლში, სწორედ ვირუსული ინფექციის ანტისხეულები აღმოაჩნდათ, რაც იმაზე მიგვანიშნებს, რომ მოსახლეობის ნაწილმა ინფექცია უსიმპტომოდ გადაიტანა და მიზანმიმართული  მკურნალობის გარეშე გამოჯანმრთელდა. 
დღევანდელი მონაცემებით, ირანში ინფიცირების ოფიციალურად დადასტურებული 185 000 შემთხვევა დაფიქსირდა, აქედან 147 000 აღრიცხული პაციენტი გამოჯანმრთელდა, ხოლო კორონავირუსის ინფექციით გარდაცვალების 8 730 შემთხვევა გამოვლინდა. 

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

რა საფთხე ელოდება ონლაინ მედიას რეჟიმის ახალი ცენზურით

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია