პოლიციამ პარიზში მომიტინგეების წინააღმდეგ, რომლებიც რასიზმის აპროტესტებენ, ცრემლსადენი გაზი გამოიყენა.

პარიზში მიმდინარე აქცია ჯორჯ ფლოიდის გარდაცვალებას უკავშირდება. მომიტინგეები ფლოიდის მკვლელების დასჯასა და სამართლიანობის აღდგენას მოითხოვენ.

საფრანგეთში აქციის მონაწილეებმა ასევე მოითხოვეს სამართლიანობის აღდგენა ადამ ტრაორესთვის, ფრანგი შავკანიანი ადამიანისთვის, რომელიც  2016 წელს პოლიციის მსხვერპლი გახდა.

„ევრონიუსი“ წერს, რომ დაძაბულობა გამწვავდა მარსელშიც. პოლიციამ რამდენიმე ასეული ადამიანი, რომლებიც ლიონში შეიკრიბნენ, ცრემლსადენი გაზით დაარბია.

აღსანიშნავია ისიც, რომ ჯორჯ ფლოიდის მხარდამჭერი აქცია არამარტო აშშ-ში არამედ ევროპის სხვადასხვა ქვეყანაშიც, დიდ ბრიტანეთში, გერმანიაში, საფრანგეთსა და ნიდერლანდებშიც გაიმართა.

გამოცემა აღნისნავს, რომ კვირის ბოლომდე ჯორჯ ფლოიდის მხარდამჭერი პროტესტი სხვადასხვა ქვეყნებში დაგეგმილია.

ცნობისთვის, ჯორჯ ფლოიდი, 46 წლის აფროამერიკელი, მოკლეს ორშაბათს მინეაპოლისში პოლიციის დაკავების დროს. საქმეში მონაწილე პოლიციელებს ბრალი წაუყენეს ფლოიდის მკვლელობაში და განაჩენი ორშაბათს სასამართლოში უნდა გამოცხადდეს. კადრებში, რომლებიც ინტერნეტში ვრცელდება ჩანს, რომ პოლიციელი, შოვინი რამდენიმე წუთის განმავლობაში ფლოიდს კისერზე მუხლს ადებს. აღსანიშნავია ისიც, რომ ფლოიდი არაერთხელ ამბობს, რომ მას სუნთქვა არ შეუძლია.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

რა საფთხე ელოდება ონლაინ მედიას რეჟიმის ახალი ცენზურით

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია