ეკონომიკისა და მდგრადი განვითარების მინისტრის ყოფილი მოადგილე სუს-ის ექს-შეფის წინააღმდეგ - რომეო მიქაუტაძე ამბობს, რომ ბიზნესმენებისგან აღებული ფული გრიგოლ ლილუაშვილთან მიჰქონდა. სკანდალური ჩვენება მთავრობის ექს მაღალჩინოსანმა დახურულ სასამართლო პროცესზე მისცა, სადაც დისტანციურად სასჯელაღსრულების დაწესებულებიდან ერთვებოდა.

მსჯავრდებული მიქაუტაძე ამტკიცებს, რომ დავალებებს სწორედ სუსი-ს ექს-შეფისგან იღებდა,  ამის შემდეგ ბიზნესმენებთან მოლაპარაკებებს თავად აწარმოებდა და მათთვის ფულის გამორთმევას სახელმწიფო ინტერესით ფუთავდა. 

სკანდალური ამბები დახურული სასამართლო პროცესიდან პროკურორმა მარიამ ბერძენიშვილმა გამოიტანა. 

პროკურორი: მოწმემ განმარტა, რომ მას პირადად ჰქონდა კავშირი და ურთიერთობა გრიგოლ ლილუაშვილთან, მათ შორის იმ თანხებთან დაკავშირებით, რომელიც ბრალად არის შერაცხული. პირადად გადასცა და დავალებაც მან პირადად მიიღო, რომ წამოეღო, მოეთხოვა კონკრეტული თანხები მეწარმე პირებისაგან.

კითხვა: გამოკითხულები არიან თუ არა ის ბიზნესმენები, ვისგან ქრთამის აღებასაც ედავება პროკურატურა (ლილუაშვილს)?

პროკურორი: კი, ერთ-ერთი პირი დაკითხულია. ის დაიკითხა სასამართლოში და ისაუბრა ამ დეტალებზე, თუ როგორ გამოართვა რომეო მიქაუტაძემ თანხა, რომე ეს განემარტა მას და შეიფუთა როგორც, სახელმწიფოს ინტერესი.  ანალოგიური გაიმეორა სხვათაშორის დღეს დაკითხულმა მოწმემაც. ჩვენებები აბსოლუტურად თანხვედრაშია. რა თქმა უნდა რომეო მიქაუტაძეს ანგარიში არ ჩაუბარებია მისთვის, თუ ვისთვის მიჰქონდა თანხა. შეფუთა, როგოროც სახელმწიფო ინტერესი. მოწმემ დაადასტურა თანხის გადაცემის ფაქტი. შესაბამისად ისაუბრა იმაზეც, როგორ მოახდინა საკმაოდ სოლიდური თანხის აკუმულირება", - განაცხადა პროკურორმა მარიამ ბერძენიშვილმა. 

ეკონომიკის სამინისტროს ყოფილი მაღალჩინოსნიგამოკითხა გამოძიების ეტაპზეც. ერთ-ერთი, სწორედ რომეო მიქაუტაძე იყო, ვისი ჩვენებაა ლილუაშვილის წინააღმდეგ საქმეში იდო. 

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს