სოფლისა და სოფლის მეურნეობის განვითარების სააგენტოს დირექტორის პირველი მოადგილე ოთარ შამუგია ამბროლაურისა და ონის  მუნიციპალიტეტში  ადგილობრივ ფერმერებს შეხვდა და „ერთიანი აგროპროექტის“ ფარგლებში მოქმედი სასოფლო-სამეურნეო კოოპერატივებისა და  საწარმოების საქმიანობას გაეცნო.

რეგიონში ვიზიტის ფარგლებში, ოთარ შამუგიამ ამბროლაურის მუნიციპალიტეტში მოქმედი სასოფლო-სამეურნეო კოოპერატივის „რაჭის ნატურალური პროდუქტი“ თაფლის გადამმუშავებელი საწარმო, შპს „ბლაუენშტაინის“   ფერმა  და შპს „ჯეოფლაუერის“ ხილისა და ჩირის გადამმუშავებელი საწარმო დაათვალიერა.

„სოფლისა და სოფლის მეურნეობის  განვითარების სააგენტოს ერთ-ერთი მნიშვნელოვანი პრიორიტეტი არის  სასოფლო-სამეურნეო ექსტენცია. სააგენტო აქტიურად მუშაობს  ფერმერთათვის საჭირო ცოდნისა და ინფორმაციის მიწოდებაზე. სწორედ ამ მიზნით  შევხვდით ონისა და ამბროლაურის მუნიციპალიტეტებში   ადგილობრივ ფერმერებს და  აგრობიზნესში ჩართულ პირებს,  გავუზიარეთ ინფორმაცია სააგენტოს მიმდინარე პროგრამებისა და პროექტების შესახებ, გავეცანით სახელმწიფოს მხარდაჭერით შექმნილ საწარმოებში  სამუშაო პროცესს.  ინფორმაცია მივიღეთ ამ საწარმოების შემდგომი განვითარების პერსპექტივების და  არსებული საჭიროებების შესახებ“, - განაცხადა ოთარ შამუგიამ.

ფერმერთა და აგრობიზნესში ჩართული პირების მიმდინარე პროგრამებისა და დარგობრივი საკითხების შესახებ ინფორმირების გაზრდის მიზნით, 2020 წელს, შეხვედრები 300-ზე მეტ სოფელში ჩატარდება. დაგეგმილია პროფესიული  ტრენინგების ჩატარებაც, რაც ასევე მოიცავს სადემონსტრაციო სწავლებას  სახელმწიფო პროგრამების ფარგლებში მოქმედ საწარმოებში.

რეგიონში გამართულ შეხვედრებს  სოფლისა და სოფლის მეურნეობის განვითარების სააგენტოს რეგიონებთან ურთიერთობის დეპარტამენტის უფროსი ლაშა შალამბერიძე და რაჭა-ლეჩხუმისა და ქვემო სვანეთის რეგიონული სამსახურის თანამშრომლები ესწრებოდნენ. 

ავტორი: NS (სტატია დაფინანსებულია),

სოციალური ქსელები

ბოკუჩავა: რა თქმა უნდა, ვრჩები ნაციონალურ მოძრაობაში, ვიბრძოლებ ბოლომდე!

გვარამიას თქმით, მოსამართლემ არ დააკმაყოფილა ხოშტარიას მდგომარეობის შესწავლის შუამდგომლობა

ზელენსკი: თუ უკრაინა იწვის, თქვენი მოსკოვიც დაიწვება - დადგა დრო, დასრულდეს ეს აგრესია

ხოშტარია: ჯერ მკურნალ ექიმთან არ ყოფილა შეხვედრა, მაგრამ დამპირდნენ, რომ იქნება