შეთანხმება საარჩევნო პროცესზე არის ქართული დემოკრატიის გამარჯვება, – ამის შესახებ საქართველოს პარლამენტის თავმჯდომარის მოადგილემ, მამუკა მდინარაძემ მმართველი გუნდისა და ოპოზიციის მიერ მიღწეულ შეთანხმებაზე კომენტირებისას განაცხადა. 

მისივე თქმით, საარჩევნო სისტემა, რომელზეც მხარეები შეჯერდნენ, უზრუნველყოფს, რომ არამხოლოდ 50-პროცენტიან რეიტინგზე მეტის, არამედ 47 და 48-პროცენტიანი რეიტინგის მქონე პარტიამ თავისუფლად დააკომპლექტოს მყარი უმრავლესობა.

„ჩვენ ველოდებით 50 პროცენტზე მეტს და ამ შემთხვევაში, ის დამზღვევი მექანიზმი, რომელიც შევთავაზეთ ოპოზიციას, ასევე ძალაშია, შეთანხმების საგანია და ამ დეტალებშიც შევდივართ. კი ბატონო, 40 პროცენტზე ნაკლები რეიტინგის მქონე პარტიამ ვერ უნდა დააკომპლექტოს უმრავლესობა, თუმცა ჩვენ გვექნება ისეთი მხარდაჭერა, რომელიც მყარ უმრავლესობას უზრუნველყოფს. აქედან გამომდინარე, ნამდვილად მისალოცად აქვს საქმე ქართულ საზოგადოებას, რადგან შეთანხმება შედგა. სპეკულაციების საშუალება ერთმევათ იმ ადამიანებს, რომლებიც თავის დღის წესრიგს აგებენ სპეკულაციებზე და უკვე საარჩევნო რეჟიმზე უნდა გადავიდეთ, რათა საქართველოში ჩავატაროთ დემოკრატიული არჩევნები“, – აღნიშნა მამუკა მდინარაძემ.

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს