აშშ-მა და თალიბანმა სამშვიდობო ხელშეკრულებას მოაწერეს ხელი

2020-02-29 20:35:00, 3514 ნახვა

მსოფლიო

აშშ-მა და თალიბანმა სამშვიდობო ხელშეკრულებას მოაწერეს ხელი - 18 წლიანი ომი სრულდება

აშშ-მა და დაჯგუფება თალიბანმა ავღანეთის სამშვიდობო ხელშეკრულებას ხელი მოაწერეს - ხელმოწერის ცერემონია კატარისდედაქალაქ დოჰაში შედგა.
BBC-ის ცნობით, სამშვიდობო შეთანხმების მეორე ფაზის ფარგლებში, თავის მხრივ, ავღანეთის მთავრობასა და თალიბანს შორის მოლაპარაკებების პროცესი ჯერ კიდევ მიმდინარეობს.

აშშ-ის მხრიდან გარიგებას ხელი ავღანეთის, ინდოეთისა და პაკისტანის სპეცწარმომადგენელმა დალმაი ხალილზადმა მოაწერა. ცერემონიას ესწრებოდა აშშ-ის სახელმწიფო მდივანი მაიკ პომპეოც.
შეთანხმების თანახმად, 14 თვის განმავლობაში აშშ და ნატო ავღანეთიდან ჯარებს ბოლომდე გაიყვანენ. თავის მხრივ, „თალიბანი“ პირობას დებს, რომ მათ მიერ კონტროლირებად ტერიტორიებზე ტერორისტული დაჯგუფებები აღარ იქნებიან.
აშშ-მა ავღანეთში სამხედრო ოპერაცია 2001 წლის 11 სექტმებრის ტერაქტიდან მალევე დაიწყო.