ფინანსთა მინისტრი ლუდზე აქციზის შემცირების აუცილებლობას ვერ ხედავს

2015-07-30 18:15:54, 719 ნახვა

ეკონომიკა

ფინანსთა მინისტრი ნოდარ ხადური ლუდზე აქციზის შემცირების აუცილებლობას ვერ ხედავს.

ამის შესახებ ხადურმა ჟურნალისტებს კითხვის საპასუხოდ განუცხადა, შესაძლებელია თუ არა აქციზის გადახედვა.

„ამ თემაზე დღეს ნუ ვისაუბრებთ, რადგან ამ საკითხის ანალიზი მიმდინარეობს. თუმცა, სიმართლე გითხრათ, ვერ ვხედავ აქციზის შემცირების აუცილებლობას“, - აღნიშნა ნოდარ ხადურმა.

რაც შეეხება უალკოჰოლო სასმელების სავალდებულო მარკირების საკითხს, ფინანსთა მინისტრის განმარტებით, ის ბიზნესმენებს ამასთან დაკავშირებით არაერთხელ შეხვდა.

"მე არაერთხელ შევხვდი მათ, გასული წლების განმავლობაში ბევრჯერ მქონდა შეხვედრა. მათივე მოთხოვნა იყო, რომ პირველ პერიოდში მარკირების ღირებულება სახელმწიფოს გადაეხადა", - განაცხადა ნოდარ ხადურმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან