2020-01-28 13:29:16, 1022 ნახვა
კომენტარი
მაია ცქიტიშვილი - სამთავრობო ცვლილებებს არ ველოდებით, ეს არის „ფეიკ ნიუსი“
„ეს ინფორმაცია არ შეესაბამება სინამდვილეს, ჩვენ არ ველოდებით არანაირ სამთავრობო ცვლილებებს“- ამის შესახებ რეგიონული განვითარებისა და ინფრასტრუქტურის მინისტრმა მაია ცქიტიშვილმა განაცხადა.
მისივე თქმით, ეს ინფორმაცია არის „ფეიკნიუსი“, რომელსაც ახორციელებს ოპოზიცია და ცალკეული მედიასაშუალებები.
„რაც შეეხება სამთავრობო ცვლილებებს, ესეც არის თემა, რომელიც არ შეესაბამება სინამდვილეს. ეს არის „ფეიკ ნიუსების“, ანუ არასწორი, თითქოს ახალი ამბების, მაგრამ სინამდვილეში ისტორიების შეთხზვის კიდევ ერთი მკაფიო მაგალითი, რასაც სამწუხაროდ, ახორციელებს როგორც ჩვენი ოპოზიცია, ასევე ცალკეული მედიასაშუალებები. ეს ინფორმაცია არ შეესაბამება სინამდვილეს და შესაბამისად, ჩვენ არ ველოდებით არანაირ სამთავრობო ცვლილებებს“, - განაცხადა მაია ცქიტიშვილმა.
ავტორი: ექსპრესნიუსი,
epn.ge (@expressnews.ge)
