გარემოსდაცვითი ზედამხედველობის დეპარტამენტის ტექნიკურ შემადგენლობას ექვსი ერთეული ნავი და სამი ერთეული პიკაპის ტიპის ავტომობილი შეემატა.

ინფორმაციას გარემოსა და ბუნებრივი რესურსების დაცვის სამინისტრო ავრცელებს.

უწყების ცნობით, ახალი ტექნიკური საშუალებების პრეზენტაცია თბილისის ზღვის მიმდებარე ტერიტორიაზე გაიმართა. ღონისძიებაში მონაწილეობა გარემოსა და ბუნებრივი რესურსების დაცვის მინისტრმა გიგლა აგულაშვილმა მიიღო. მინისტრმა, დეპარტამენტის ხემძღვანელ პირებთან ერთად თბილისის ზღვის ზედაპირზე ნავების ტექნიკური შესაძლებლობები შეამოწმა. გიგლა აგულაშვილმა ასევე, ავტომანქანების ტექნიკური აღჭურვილობა დაათვალიერა.

„გარემოსდაცვითი ზედამხედველობის დეპარტამენტის ტექნიკურ შემადგენლობაში ნავების სიმცირის გამო, ამ დრომდე წყლის ზედაპირის მონიტორინგი ბრაკონიერული ფაქტების გამოვლენის მიზნით სამაშველო სამსახურის აღჭურვილობის დახმარებით ხდებოდა. აღნიშნულის გამო ოპერატიულ ინფორმაციაზე სწრაფი რეაგირების შესაძლებლობა მცირდებოდა, რადგან პროცესი დროში იწელებოდა. ახლად შეძენილი ნავები დეპარტამენტს საშუალებას მისცემს პრევენციული ღონისძიებები გაატაროს და ოპერატიულ ინფორმაციაზე დაუყოვნებლივ მოახდინოს რეაგირება“, – აცხადებენ გარემოს დაცვის სამინისტროში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება