„2019 წელს პირდაპირი ფრენების გეოგრაფიის მართლაც უპრეცედენტო ზრდას შევუწყეთ ხელი. ევროპული მიმართულებების ტურისტული ნაკადები 25%-ით არის გაზრდილი“, - ამის შესახებ ეკონომიკისა და მდგრადი განვითარების მინისტრმა ნათია თურნავამ ტურიზმის წლის შემაჯამებელ პრეზენტაციაზე განაცხადა.

როგორც მან აღნიშნა, განსაკუთრებით საამაყოა, რომ დაბალბიუჯეტიანი, ცნობილი დიდი კომპანიები ზრდიან საქართველოში პირდაპირ ფრენებს, ან ქვეყნის ბაზარზე შემოდიან.

„ეს არის სწორედ იმის საფუძველი, რომ რეკორდულად მაღალი ზრდა გვაქვს იგივე გერმანიიდან, პოლონეთიდან, გაერთიანებული სამეფოდან შემოსული ტურისტების. ასევე გაიზარდა შიდა ტურისტული ვიზიტების რაოდენობაც, ეს არის ძალიან მნიშვნელოვანი“, - განაცხადა მინისტრმა.

მისივე თქმით, ყოველივე ამის შედეგად ბევრ უცხოელ სტუმარს შესაძლებლობა მიეცა, იმოგზაუროს საქართველოში მთელი წლის განმავლობაში და განსაკუთრებით, კომფორტულად დაბალბიუჯეტიანი ავიაკომპანიების მეშვეობით.

„ასევე ჩვენს მოქალაქეებსაც აქვთ საშუალება, შეღავათიანად იმოგზაურონ, მათ შორის, საშობაო არდადეგები უცხო ქვეყნებში გაატარონ“, - განაცხადა ნათია თურნავამ.

 პრეზენტაციას დაესწრნენ პრემიერ-მინისტრი გიორგი გახარია, პარლამენტის თავმჯდომარე არჩილ თალაკვაძე, ასევე მთავრობის სხვა წევრები, საჯარო და კერძო სექტორის წარმომადგენლები.

ავტორი: NS (სტატია დაფინანსებულია),

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს