„ევროპული საქართველოს“ ერთ-ერთი ლიდერი, გიგა ბოკერია, დღეს პროკურატურაში მისვლას არ აპირებს.

ბოკერიას თქმით, მისი პროკურატურაში დაბარების საკითხი ფრაქცია „ქართული ოცნების“ თავმჯდომარის, ბიძინა ივანიშვილის განცხადებას უკავშირდება, რომელმაც „დაჭერები დააანონსა“.

„ვისარგებლებ უფლებით, რომ სასამართლოში დამიბარონ მაგისტრ მოსამართლესთან, ეს უფრო გამჭვირვალეც არის და უფრო მოსახერხებელიც. 5 წელია ეს საქმე არ გახსენებიათ და ახლა გაახსენდათ, ამ პოლიტიკურ კლიმატში, მას შემდეგ, რაც  ივანიშვილმა საჯაროდ დაგვიანონსა ზოგადად ოპოზიციურ ლიდერებს, დაისჯებითო. ვართ მზად ამ ტიპის გრძელვადიანი დაპირისპირებისთვის. თუ ის არ მოეგება გონს დროზე და არ გადადგამს განმუხტვისკენ ნაბიჯებს და მითუმეტეს, თუ ამ გზით წავა, კიბატონო წავა - რამდენს დაიჭერს“, - განაცხადა გიგა ბოკერიამ.

შეგახსენებთ, რომ „ევროპული საქართველოს“ ერთ-ერთი ლიდერი, გიგა ბოკერია, პროკურატურაში საგამოძიებო ნაწილის წარმოებაში არსებულ სისხლის სამართლის საქმეზე, საქართველოს ეროვნული უშიშროების საბჭოს აპარატის თანამდებობის პირთა მიერ სამსახურებრივი უფლებამოსილების ბოროტად გამოყენების შესაძლო ფაქტზეა დაბარებული.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს