საჯარო ბიბლიოთეკასთან გამართული აქციის დროს დაკავებულმა „ლეიბორისტული პარტიის“ წევრმა, ლაშა ჩხარტიშვილმა რუსთავის წინასწარი დაკავების იზოლატორი დატოვა.

მას პოლიციისადმი დაუმორჩილებლობის ბრალდებით, 8-დღიანი ადმინისტრაციული პატიმრობა ჰქონდა შეფარდებული.

ჩხარტიშვილმა იზოლატორის დატოვების შემდეგ ჟურნალისტებთან საუბრისას ივანიშვილს „ლობიოს დიქტატორი“ უწოდა და სიმბოლურად ადგილზე ლობიო გაფანტა.

„ეს არის ივანიშვილის ოცნება, ოცნება ერთპიროვნულ დიქტატურაზე, რომელიც აუცილებლად დაემხობა ჩვენი ხელით. ასეთი ოცნებები ჰქონიათ სხვებსაც, თუმცა ის რაც ჩაიდინა ივანიშვილმა პოლიტიკურ დაკავებებთან მიმართებაში, არც შევარნაძეს და არც სააკაშვილს არ გაუკეთებია. მან ადვოკატისა და გასაჩივრების უფლების გარეშე დაიწყო დაპატიმრებები, მათ შორის ჩემი დაკავება, თუმცა მინდა ვუთხრა ამ „ლობიოს დიქტატორს“, რომ მას ეკუთვნის უმი ლობიო, როგორც მონების სალაფავი და პასუხისგებაში მიცემის წინ ეს მას აუცილებლად ექნება საკუთარ მონებთან წულუკიანთან, კობახიძესთან, თალაკვაძესთან და სხვებთან ერთად“,- განაცხადა ჩხარტიშვილმა.

შეგახსენებთ, რომ 29 ნოემბერს, საქართველოს პარლამენტის ეროვნულ ბიბლიოთეკასთან საპროტესტო აქციის დროს პოლიციამ 6 პირი დააკავა.

ფოტო: TV4.GE

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს