მცხეთაში, უმრავლესობის დეპუტატ დიმიტრი ხუნდაძის  ბიუროსთან მოძრაობა „გაბედეს“ წევრებსა და ადგილობრივ მოსახლეობას შორის მომხდარი დაპირისპირების შედეგად, რამდენიმე ადამიანი დაშავდა.

ორი  მათგანი სასწრაფო სამედიცინო დახმარების მანქანით  მცხეთის კლინიკა „ჯეო ჰოსპიტალსში“ იქნა გადაყვანილი.

საავადმყოფოს ექიმის განმარტებით, მათი მდგომარეობა სტაბილურია, თუმცა მონიტორინგის მიზნით პაციენტები 24 საათის განმავლობაში საავადმყოფოში დარჩებიან.

„ამ ეტაპზე პაციენტების მდგომარეობა არის საშუალო სიმძიმის. შემოსვლისთანავე ჰქონდათ  თავის ტკივილი, თავბრუსხვევა  და ძლიერი საერთო სისუსტე. ორივე მათგანს ჩაუტარდა თავის ტვინის კომპიუტერული ტომოგრაფია. აღენიშნებათ ექსკორიაციები სახისა და თავის არეში. კომპიუტერული ტომოგრაფია და მწვავე კეროვანი პათოლოგია გამოირიცხა თუმცა, რჩება ჩივილები, ამიტომ მონიტორინგის მიზნით პაციენტები დარჩებიან კლინიკაში სავარაუდოდ 24 საათით“, - განაცხადა საავადმყოფოს ექიმმა.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე