სასამართლოს მოსამართლეობის კანდიდატი ნინო ქადაგიძე ქართული სუფრის შესახებ ბიძინა ივანიშვილის მოსაზრებას არ ეთანხმება.

კერძოდ, ქადაგიძეს ფრაქცია „ნაციონალური მოძრაობის“ თავმჯდომარემ, რომან გოცირიძემ ჰკითხა, თუ ვის ეკუთვნის ეს „ღრმააზროვანი სიტყვები“: ”ჩვენი ცივილიზაციის ყველაზე დიდი მიღწევა არა კოსმოსური ხომალდები და დიდი გამოგონებები, არამედ ქართული სუფრაა“, რაზეც მოსამართლეობის კანდიდატმა უპასუხა, რომ არ იცის და ვერაფერს იტყვის.

ამის შემდეგ, გოცირიძემ ქადაგიძეს ჰკითხა, ეთანხმება თუ არა მოსაზრებას, რომ ქართული სუფრა ცივილიზაციის უფრო დიდი მონაპოვარია, ვიდრე მაგალითად, ინტერნეტი, რაზეც ქადაგიძემ უპასუხა, რომ ამ მოსაზრებას არ ეთანხმება.

დეპუტატმა მოსამართლეობის კანდიდატს კიდევ ერთხელ მიმართა და აღნიშნა, რომ „მან შეიძლება ინანოს, ამ სიტყვებს რომ არ დაეთანხმა, რადგან მისი ავტორი ბიძინა ივანიშვილია“. საპასუხოდ, ქადაგიძემ აღნიშნა, რომ „მაინც თავის აზრზე რჩება“.

ავტორი: ექსპრესნიუსი,

სოციალური ქსელები

თბილისში, ვერაზე სროლა იყო - არსებული ინფორმაციით, დაჭრილია 3 ახალგაზრდა

ოლიგარქის სასამართლომ ევროკავშირისა და დასავლელი დიპლომატებისთვის „საბოტაჟის“ საქმეზე დასწრება აკრძალა

ზესტაფონში ავარიის შედეგად 6 ადამიანი დაშავდა

IPI: ვახო სანაიას პატიმრობა განსხვავებული აზრის ჩახშობის კიდევ ერთი საგანგაშო ნაბიჯია