ფინანსთა მინისტრის მოადგილის გიორგი კაკაურიძის განცხადებით, სახელმწიფო ბიუჯეტში დაგეგმილი ცვლილებებით ხდება კორექტირება და არა სეკვესტრი.

ამის შესახებ კაკაურიძემ საბიუჯეტო ცვლილებების პროექტის რიგგარეშე სესიის პლენარულ სხდომაზე განხილვისას საპარლამენტო უმცირესობის შეფასების საპასუხოდ განაცხადა, რომლის თანახმად, ბიუჯეტში დაგეგმილი ცვლილებებით სეკვესტრი ხორციელდება.

"წარმოდგენილი ცვლილებებით ბიუჯეტის არც შემოსულობების ნაწილი მცირდება და არც ხარჯვითი ნაწილი. არაერთხელ იყო ნახსენები – სეკვესტრი. სეკვესტრი არის მხოლოდ იმ შემთხვევაში, თუ არ არის ფული იმის დასაფინანსებლად, რაც გვაქვს. ჩვენ შევამცირეთ ხარჯები იქიდან გამომდინარე, რომ ნაკლები ყოფილიყო ხარჯვითი ნაწილი და ბიუჯეტის დეფიციტი ყოფილიყო უფრო ნაკლები, თუმცა დამატებითი ხარჯების გაწევის აუცილებლობაც არის. სწორედ ამიტომ ჯამში ბიუჯეტის მოცულობა არ იცვლება. თუ ჩვენ ერთ სამინისტროსთვის თანხის შემცირებას და მეორე სამინისტროში გადატანას სეკვეტრს დავარქმევთ, შეგვიძლია ვნახოთ ბოლო მინიმუმ 5-6 წლის განმავლობაში რა ცვლილებები განხორციელდა ბიუჯეტში – ყველგან რომელიმე სამინისტროსთვის თანხის შემცირება და სხვა სამინისტროსთვის გადანაწილება ხდებოდა. ამიტომ თუ ჯამური პარამეტრები არ მცირდება, გვაქვს უფრო მეტი რესურსი, ვიდრე იყო დაგეგმილი, ამას სეკვეტრს ნამდვილად ვერ დავარქმევთ. ამას ბიუჯეტის კორექტირება ეწოდება", - განაცხადა გიორგი კაკაურიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება