2015-07-15 17:43:27, 458 ნახვა

---

კარასინი: ემოციურ კამპანიას თბილისში ის ადამიანები აწარმოებენ, რომლებიც ქართულ-ოსურ, ან ქართულ-აფხაზურ საზღვარზე სპეკულირებენ

"ემოციურ კამპანიას თბილისში ის ადამიანები აწარმოებენ, რომლებიც ნებისმიერი სირთულით სპეკულირებენ ქართულ-ოსურ, ან ქართულ-აფხაზურ საზღვარზე",-ამის შესახებ რუსეთის საგარეო საქმეთა მინისტრის მოადგილე გრიგორი კარასინმა ზურაბ აბაშიძესთან გამართული შეხვედრის დასრულების შემდეგ მცოცავ ოკუპაციაზე საუბრისას განაცხადა.
"ემოციურ კამპანიას თბილისში ის ადამიანები აწარმოებენ, რომლებიც ნებისმიერი სირთულით სპეკულირებენ ქართულ-ოსურ, ან ქართულ-აფხაზურ საზღვარზე. ჩვენ ეს საკითხი განვიხილეთ და შევჯერდით შემდეგ პოზიციაზე-ამ პრობლემების განხილვა იმ მექანიზმების ფარგლებში უნდა მოხდეს, რომლებიც ასეთი ტიპის საკითხების გადასაწყვეტად შეიქმნა.ჟენევის დისკუსიების ფარგლებში მოქმედებს ინციდენტების პრევენციის მექანიზმი.სწორედ დეტალურად განიხილავენ ამ ინციდენტს უახლოეს დღეებში.ყველაფერი უნდა გვაკეთოთ იმისათვის, რომ ასეთი ტიპის ემოციური აფეთქება არ მოქმედებდეს ქართულ-რუსული ურთიერთობის ნორმალიზების პროცესზე",-განაცხადა გრიგორი კარასინმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი