ეკონომიკისა და მდგრადი განვითარების სამინისტროში მინისტრის პირველი მოადგილის ეკატერინე მიქაბაძის ხელმძღვანელობით „კერძო სექტორის განვითარების ხელშეწყობის საკონსულტაციო საბჭოს" სხდომა გაიმართა. აღნიშნული საბჭო „2016-2020 წლების საქართველოს მცირე და საშუალო მეწარმეობის განვითარების სტრატეგიის" თანახმად შეიქმნა და მისი ფუნქცია კერძო სექტორთან კონსტრუქციული დიალოგის წარმოება და არსებობის შემთხვევაში, ბიზნესის განვითარების შემაფერხებელი ფაქტორების იდენტიფიცირება და განხილვაა.

შეხვედრაზე სსიპ საჯარო კერძო თანამშრომლობის სააგენტოს თავმჯდომარემ, ალექსანდრე რევიამ წარმოადგინა პრეზენტაცია ბიზნესისა და საჯარო სექტორს შორის თანამშრომლობის აღნიშნული მოდელის მოქმედების შესახებ. მან ასევე ყურადღება გაამახვილა ენერგეტიკულ სექტორში დაგეგმილი რეფორმასა და ასევე, სტარტაპ ეკოსისტემის განვითარების სერვისებზე.

 შეხვედრაზე გაიმართა დისკუსია თემაზე ,,კერძო სექტორის განვითარების შემაფერხებელი ფაქტორები," რომლის დროსაც შეხვედრის მონაწილე ბიზნესის წარმომადგენლებმა სხვადასხვა მნიშვნელოვანი გამოწვევის შესახებ გაამახვილეს ყურადღება.

 შეხვედრაზე აღინიშნა, რომ „კერძო სექტორის განვითარების ხელშეწყობის საკონსულტაციო საბჭო," როგორც საჯარო და კერძო სექტორს შორის დიალოგის და თანმშრომლობის გაღრმავების მნიშვნელოვანი პლატფორმის ფუნქციონირება, უზრუნველყოფს რეგულარული და სტრუქტურირებული დიალოგის წარმოებას, რაც ეხმარება მთავრობას, შეიმუშაოს ეფექტიანი პოლიტიკა კერძო სექტორის, განსაკუთრებით კი მცირე და საშუალო მეწარმეობის განვითარების ხელშეწყობისთვის. ამასთან, რეგულარული დიალოგის მექანიზმი ხელს უწყობს კერძო სექტორს (მათ შორის, მცირე და საშუალო მეწარმეობის წარმომადგენლებს) და მთავრობას  შორის ნდობის გაზრდას და პროგნოზირებადი გარემოს ჩამოყალიბებას.

(NS)

ავტორი: ექსპრესნიუსი,

სოციალური ქსელები

ადმინისტრაცია ადასტურებს, რომ მიხეილ ყაველაშვილი ირანში აიათოლა ალი ხამენეის დაკრძალვის ცერემონიალს დაესწრება

გახარიას პარტიამ პარლამენტში ჩხუბზე გამოძიების მოთხოვნით პროკურატურას მიმართა

„თეგეტამ“ საგზაო-სამშენებლო სექტორის წარმომადგენლებს ბიზნესის მხარდაჭერის კონცეფცია გააცნო

დიდი ბრიტანეთი თავდაცვის ბიუჯეტს დამატებით 15 მილიარდი გირვანქით ზრდის