"ტვ პირველის" დამფუძნებლის, ვახტანგ წერეთლის განცხადებით, იმ შემთხვევაში თუ მის მამას, ავთანდილ წერეთელს სასამართლო აღკვეთის ღონისძიების სახით გირაოს შეუფარდებს, ისინი იძულებულები გახდებიან, გირაო ტელეკომპანიის შენობით უზრუნველყონ. 

როგორც წერეთელმა აღნიშნა, მისი ოჯახი აქტიურ ბიზნესში არ არის ჩართული. 

"პროკურატურას გირაოს შეფარდებაზე მოჰყავს მაგალითი "ხადარკოვსკი რუსეთის წინააღმდეგ". გასაოცარია ეს ჩემთვის. ვერ გასცდა ჩვენი ქვეყნის სასამართლო და პროკურატურა რუსეთს. ჩემი ოჯახი აქტიურ ბიზნესში აღარ არის. რატომ აღარ არის აქტიურ ბიზნესში, ამაზე ცოტა მოგვიანებით ვისაუბრებთ. გირაოს სახით შეიძლება მოხდეს ტვ პირველის შენობის ჩადება, სამწუხაროდ, იმიტომ რომ ჩვენ ბიზნესში აღარა ვართ და ქონების ჩადება თუ მოგვიწევს, მოგვიწევს ტვ პირველის ჩადება. რასაც ვულოცავთ პროკურატურას, ანუ სახელმწიფოს", - აღნიშნა ვატო წერეთელმა. 

ცნობისთვის, თბილისის საქალაქო სასამართლო ბიზნესმენ ავთანდილ წერეთლისთვის აღკვეთის ღონისძიების შეფარდებაზე მსჯელობს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ევროკავშირმა რუსეთის წინააღმდეგ ეკონომიკური სანქციები 2027 წლის ივლისის ბოლომდე გაახანგრძლივა

ზელენსკიმ დაამტკიცა SBU-ს 40-დღიანი ოპერაცია, რათა რუსეთი ომის დასრულება აიძულოს

საიამ მზია ამაღლობელის პოლიტიკური ბრალდების საქმეზე სტრასბურგში მეოთხე საჩივარი წარადგინა

თბილისში კაცი დაჭრეს