შიდა ტურიზმის სტიმულირების მიზნით აჭარის ტურიზმის დეპარტამენტმა ინტერნეტკამპანია „აირჩიე ბათუმი“ წამოიწყო. კამპანიის ფარგლებში 15 ცნობილი ქართველი მსახიობი, მუსიკოსი, კომპოზიტორი, რეჟისორი, ტელეწამყვანი, ფოტოხელოვანი, მომღერალი, მწერალი, შოუმენი და მოდელი აჭარის სხვადასხვა საზღვაო კურორტთან/ტურისტულ ადგილთან დაკავშირებით თავიანთ ემოციებს იხსნებს და ადამიანებს აჭარაში დასვენებისკენ მოუწოდებს.

ონლაინ კამპანიის მთავარია გზავნილია #აირჩიესაქართველო, რაც აჭარის ტურისტული ადგილებისა და პერსონაჟების მიხედვით იცვლება. თუკი ბათუმი დაუვიწყარი მოგონებების ადგილია რეჟისორ ლევან წულაძისთვის, ის ინსპირაციის წყაროა მწერალ დათო ტურაშვილისთვის, ხოლო მსახიობ ია სუხიტაშვილს მასთან ცხოვრების საუკეთესო წლები აკავშირებს. ბათუმთან ერთად პერსონაჟები ასევე საუბრობენ მტირალას ეროვნულ პარკზე, ქობულეთზე, კვარიათზე, მწვანე კონცხსა და ჩაქვზე.

„წელს, ჩვენს რეგიონს განსაკუთრებით ესაჭიროება შიდა ტურისტების მხარდაჭერა, ამიტომ კამპანიით მოვუწოდებთ ყველას აირჩიონ საქართველო, კერძოდ კი აჭარის კურორტები დასასვენებლად და სამოგზაუროდ. ძალიან ემოციური და თბილი ვიდეორგოლები გამოვიდა, სადაც ყველა პესონაჟი აჭარის კურორტებთან დაკავშირებულ პოზიტიურ ემოციებსა და მოგონებებს იხსენებს. მოგზაურობაც სწორედ დადებითი ემოციებისა და შთაბეჭდილებების მიღების საუკეთესო საშუალებაა. ამ მხრივ აჭარა კი ნამდვილად გამორჩეულია თავისი მრავალფეროვანი საზღვაო და სამთო ტურისტული პროდუქტებით,“ აცხადებს აჭარის ტურიზმის დეპარტამენტის თავმჯდომარე თინათინ ზოიძე.

•             ნიკოლოზ წულუკიძე - #აირჩიემტირალა

•             ლევან წულაძე - #აირჩიებათუმი

•             გაგა ჩიხლაძე - #აირჩიექობულეთი

•             დათო ტურაშვილი - #აირჩიებათუმი`

•             ზურაბ შევარდნაძე - #აირჩიემწვანეკონცხი

•             დავით ევგენიძე - #აირჩიეკვარიათი

•             ია სუხიტაშვილი - #აირჩიებათუმი

•             რუსკა მაყაშვილი - #აირჩიებათუმი

•             ნუკი კოშკელიშვილი - #აირჩიებათუმი

•             ნიკოლოზ რაჭველი - #აირჩიეჩაქვი

15 ვიდეორგოლიდან 10 სოციალური მედიის მოხმარებლებმა უკვე ნახა, დანარჩენი 5 ეპიზოდი  სოციალურ ქსელებში კი აგვისტოს ბოლომდე ეტაპოპრივად ჩაეშვება. მათ შორისაა ბათუმის დელფინარიუმის პიარ მენეჯერისა და შოუს წამყვანი ბერდია კუტუბიძის, ტელეწამყვან თორნიკე კვერენჩხილაძის, მოდელ თამთა შედანიას,  ფოტოხელოვანების გოგა ჩანადირისა დამარი ნაკანის მონაწილეობით შექმნილი რგოლები.  

(NS)

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე