”საერთაშორისო გამჭვირვალობა - საქართველოს” აღმასრულებელი დირექტორი ეკა გიგაური ტელეკომპანია „რუსთავი 2“-დან ჟურნალისტების გათავისუფლებას არხის კრიტიკულ სარედაქციო პოლიტიკას უკავშირებს.

გიგაურმა „რუსთავი 2“-ის მფლობელის, ქიბარ ხალვაშის დაპირება გაიხსენა, რომელიც არხის ჟურნალისტებს ხელშუხებლობას ჰპირდებოდა და აღნიშნა, რომ პირობა დაირღვა.

„ყველას გვახსოვს, რომ არხის ახალი მფლობელი საუბრობდა იმაზე, რომ შეეხებოდა მხოლოდ აღმასრულებელ დირექტორს და სხვას არავის. იგი ასევე საზოგადოებას გარანტიებს აძლევდა, რომ არ შეიცვლებოდა არხის  კრიტიკული სარედაქციო პოლიტიკა.

ვხედავთ, რომ ეს მხოლოდ განცხადებად დარჩა. ვხედავთ, რომ წამყვან თანამდებობებზე მყოფ ჟურნალისტებს, მაშინვე, როგორც კი მოუნდა, შეეხო. ეს, ცხადია, მიუთითებს იმაზე, რომ მას არ მოსწონს ის სარედაქციო პოლიტიკა, რომელიც არხზე არის. მიზანი ხომ არა ვინმეს სამართლიანობისა და უფლების აღდგენა იყო, მიზანი იყო სწორედ ის, რომ ამ არხს არ ჰქონოდა კრიტიკული სარედაქციო პოლიტიკა.

რა თქმა უნდა, ის ეჭვები გამართლდა, რაც თავიდანვე გვქონდა და ცხადია, რომ არამხოლოდ ნოდართან, სხვებთანაც იქნება მსგავსი კომუნიკაცია და მიზანი იქნება სწორედ ის, რომ რუსთავი 2-ის ჟურნალისტებმა  არაფერი კრიტიკული არ თქვან ამ მთავრობაზე. არ ისაუბრონ კორუფციაზე, ნეპოტიზმზე, ბიუჯეტის არასწორ ხარჯვაზე, არ ისაუბრონ გამდიდრებულ ჩინოვნიკებზე და ა.შ.“, - აცხადებს  ეკა გიგაური.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ბრიტანეთის ახალი პრემიერ-მინისტრი ზელენსკის შეხვდა და მას „100%-იანი“ მხარდაჭერა გამოუცხადა

როგორც მოსკოვში - თეთრი ფურცლის დაჭერისთვის პოლიციამ აქტივისტი ნოდარი წიწარიშვილი დააკავა

საქართველოს ეროვნული ბანკი: ბანკები „თელასის“ ლარში მომსახურებას გააგრძელებენ

BOG-ის გზავნილების გათამაშება დაიწყო - მოიგე 1 000₾ ყოველდღე ან 10 000₾ სუპერპრიზი