ვაკის რაიონში ინფრასტრუქტურის მოწესრიგება და დასასვენებელი სივრცეების მოწყობა გრძელდება. გურიელის N5-ის ტერიტორიაზე სამუშაოები უკვე დასასრულს უახლოვდება.

პროექტის თანახმად, აღნიშნულ მისამართზე დამონტაჟდა დასასვენებელი პავილიონი, საპარკე სკამები და სხვა შესაბამისი ინფრასტრუქტურა, მოეწყო საბავშვო მოედანი, საფეხმავლო ბილიკები. ამჟამად კი, საბავშვო მოედანზე რბილი საფარი იგება. პროექტის ბოლო ეტაპზე, ტერიტორია გამწვანდება. 

გარდა ამისა, სარეაბილიტაციო სამუშაოები დაიწყო მოსაშვილის N9-ში, სადაც ასევე, დასასვენებელი სივრცე მოეწყობა. ეზოში სხვა ინფრასტრუქტურასთან ერთად, ბავშვთა გასართობი მოედანი განთავსდება. პროექტის ბოლოს ტერიტორიაზე გამწვანების სამუშაოები ჩატარდება. 

სარეაბილიტაციო სამუშაოებს ვაკის რაიონის გამგებელი ნოდარ ტურძელაძე გაეცნო და პროექტების დეტალები ადგილობრივ მცხოვრებლებთან შეათანხმა.

„გეგმის მიხედვით მუშაობას განვაგრძობთ და ამ დროისთვის, ვაკის რაიონში დასასვენებელი სივრცე ცხრა მისამართზე ეწყობა. ყველა სივრცე იქნება კეთილმოწყობილი ბავშვებისთვის და მათი მშობლებისთვის. გასართობი მოედნებისა და სხვა ურბანული ავეჯის განთავსების გარდა, ტერიტორიები გამწვანდება. აქვე მოსახლეობას მინდა ვთხოვო, მოწყობილ სივრცეებს გაუფრთხილდეს და მოუაროს, რადგან ჩვენ გარემოზე ერთობლივად უნდა ვიზრუნოთ“, - განაცხადა ვაკის რაიონის გამგებელმა.  

მიმდინარე წელს ვაკის რაიონში დასასვენებელი სივრცეების მოწყობა-რეაბილიტაცია სულ 20 მისამართზე განხორციელდება.  

(NS)

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს