ევროზონის ლიდერებმა საბერძნეთს კრიზისის დაძლევის ალტერნატიული გეგმის წარდგენისთვის დრო 7 ივლისამდე მისცეს, ევროკავშირის სრული სამიტი კი კვირასაა დაგეგმილი, თუმცა ალექსის ციპრასს  გეგმა ჯერაც არ წარუდგენია.

ევროპარლამენტის პრეზიდენტის დონალდ ტუსკის განცხადებით, შეთანხმების მიღწევისთვის მხოლოდ 4 დღეა დარჩენილი.

ევროპარლამენტის წინაშე სიტყვით გამოვიდა საბერძნეთის პრემიერ-მინისტრიც, რომელმაც თქვა, რომ ბერძენმა ხალხმა რეფერენდუმზე საკუთარი ნება დააფიქსირა, რასაც ყველამ პატივი უნდა სცეს.

მან ასევე აღნიშნა, რომ მიმდინარეობს ახალი შეთავაზების დეტალური შემუშავება, რომლის დახმარებითაც საბერძნეთი თავის პარტნიორებთან შეთანხმებას მიაღწევს და კრიზისს დაძლევს.

ევროკავშირის სამიტზე ევროზონის ფინანსთა მინისტრებმა საბერძნეთის მიერ შეთავაზებული გეგმა უნდა განიხილონ.

როგორც ევროკავშირის კომისიონერმა ეკონომიკაში, პიერ მოსკოვიჩმა BBC-ს განაცხადა, ევროზონის ლიდერებს არ სურთ, საბერძნეთმა ევროზონა დატოვოს, რადგან ეს ნეგატიურ გავლენას იქონიებს სხვა წევრი ქვეყნების ეკონომიკაზეც.

„იმისთვის, რომ საბერძნეთი ევროზონაში დარჩეს, მისმა მთავრობამ ახალი შემოთავაზება უნდა შეიმუშაოს. მათ იციან, რაც უნდა გააკეთონ და რას ველოდებით ჩვენ“, - აღნიშნა მოსკოვიჩმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის