გარემოს დაცვისა და სოფლის მეურნეობის მინისტრი ლევან დავითაშვილი სამხრეთ კავკასიაში შვეიცარიის ოფისის რეგიონულ დირექტორს, ოლივიე ბურკს შეხვდა.

ლევან დავითაშვილმა მადლობა გადაუხადა ოლივიე ბურკს, რომელიც საქართველოში მისიას ასრულებს. მინისტრმა შვეიცარიის მხრიდან აგრარული დარგის განვითარების მიმართულებით გაწეული მხარდაჭერისა და აქტიური თანამშრომლობის მნიშვნელობაზე ისაუბრა.

„ჩვენ წარმატებული და ნაყოფიერი თანამშრომლობის ოთხწლიანი ისტორია გვაკავშირებს.  მადლობას გიხდით მხარდაჭერისთვის, გიდასტურებთ პატივისცემას და წარმატებებს გისურვებთ შემდგომ საქმიანობაში“, - განაცხადა ლევან დავითაშვილმა.

როგორც ოლივიე ბურკმა აღნიშნა, საქართველოს აგრარული  განვითარების კუთხით სწორი ხედვა გააჩნია და, თავის მხრივ, მინისტრს და მის გუნდს მადლობა გადაუხადა თანამშრომლობისა და ეფექტიანი კომუნიკაციისთვის.

გარემოს დაცვისა და სოფლის მეურნეობის სამინისტროში გამართულ შეხვედრას მინისტრის მოადგილე ხატია წილოსანი ესწრებოდა.

(NS)

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს