"რუსთავი 2"-ის იურისტმა დიმიტრი საძაგლიშვილმა ტელეკომპანია დატოვა. 

როგორც საძაგლიშვილმა განაცხადა, ამ ეტაპზე ის "რუსთავი 2"-ის ყოფილი გენერალური დირექტორის ნიკა გვარამიას ინტერესებს იცავს. 

"აღარ ვარ "რუსთავი 2"-ის იურისტი, დავტოვე "რუსთავი 2"-ი. ახლა ამ გამოკითხვაზე, ვარ ნიკა გვარამიას ადვოკატი. ვფიქრობ, რომ ვდგავარ იქ სადაც უნდა ვიდგე, სწორ მხარეს და შესაბამისად არანაირი ინტერესთა კონფლიქტი არ მაქვს", - აღნიშნა მან. 

დიმიტრი საძაგლიშვილის აცხადებს, რომ ტელკომპანიის 9%-იანი წილის ყოფილმა მფლობელმა ნინო ნიჟარაძემ შეიტანა ისეთი სარჩელი რომელიც დაუსაბუთებელი იყო.

„ნინო ნიჟარაძემ ჯერ სამოქალაქო სარჩელი შეიტანა და სამოქალაქო დავისთვისაც კი უსაფუძვლო და დაუსაბუთებელი იყო ეს საქმე და ნინო ნიჟარაძემ მოითხოვა ფინანსური დოკუმენტაციის გაცნობა იმ მიზნით რომ აუდიტი ჩაგვეტარებინა და ვნახავთ რა მონაცემები გვექნება აუდიტის შემდეგ, დიდ ოთხეულზე არის საუბარი. და ამის შემდეგ მივიღებთ გადაწყვეტილებას სამოქალაქო დავა გავაგრძელოთ თუ არაო. ჩვენ  მივეცით სრული წვდომა ინფორმაციაზე, არანაირი აუდიტი არ ჩატარებულა, არანაირი დიდ ოთხეული არ გამოჩენილა. ის წავიდა პროკურატურაში. მიზანი იყო არა დიდი ოთხეულის  მიერ რეალობის დადგენა არამედ ის რომ რაღაც საფუძველი გამხდარიყო ნიკა გვარამიას წინააღმდეგ თუნდაც უკანონო ქმედების განხორციელების,“-განაცხადა დიმიტრი საძაგლიშვილმა.  

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს