საქართველო-აზერბაიჯანის საზღვრის სადელიმიტაციო კომისია მუშაობას უახლოეს კვირეებში განაახლებს

2019-07-16 17:27:39, 1686 ნახვა

პოლიტიკა

პრემიერ-მინისტრის მამუკა ბახტაძის ინფორმაციით, დავით გარეჯთან დაკავშირებით შექმნილი სამუშაო კომისია მუშაობას უახლოეს კვირებში განაახლებს.

პრემიერის მტკიცებით, შესაბამისი უწყებები აზერბაიჯანელ კოლეგებთან მუდმივ კონტაქტზე არიან.

„კომისია უახლოეს კვირეებში განაახლებს მუშაობას და ბუნებრივია, ჩვენ გვაქვს ანგარიში კომისიის შეხვედრის, მაგრამ მე აქვე მინდა ხაზი გავუსვა იმას, რომ ჩვენ, შესაბამისი უწყებები ყოველდღიურ რეჯიმში კონტაქტზე არიან თავის კოლეგებთან აზერბაიჯანში. ორი დღის უკან იყო სამწუხარო ინციდენტი, რომელიც ამოწურულია. მე კიდევ ერთხელ მსურს, ყველას მივმართო, ეს არის ძალიან ფაქიზი, მგრძნობიარე საკითხი ყველა ჩვენთაგანისთვის და მინდა ვთხოვო ყველას, მივცეთ საშუალება კომისიას და შესაბამის უწყებებს, რომ გააგრძელონ ფუნქციონირება შესაბამის რეჟიმში“, - განაცხადა ბახტაძემ.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან