პარლამენტის პირველი ვიცე-სპიკერის თამარ ჩუგოშვილის განცხადებით, მმართველი გუნდი მზადაა, საარჩევნო სისტემის შეცვლაზე კონსულტაციები ყველა პოლიტიკურ პარტიასთან აწარმოოს.

როგორც ჩუგოშვილმა განმარტა, სამუშაო ჯგუფში უკვე ჩართულია, როგორც „ნაციონალური მოძრაობა“, ასევე „ევროპული საქართველო“.

„ჩვენ ყველა პოლიტიკურ ძალასთან მზად ვართ, რომ დისკუსია გვქონდეს. ვფიქრობ, ჩვენი პოზიცია უკვე საკმაოდ მკაფიო და ნათელია, საკონსტიტუციო ცვლილებებთან დაკავშირებით, საარჩევნო სისტემის შეცვლის შესახებ. შესაბამისად, თუ მათ სურვილი ექნებათ, რამე ფორმით ჩაერთონ მოლაპარაკებების პროცესში, რა თქმა უნდა, ეს შეუძლიათ. კარგად არის ცნობილი, რომ პარლამენტში უკვე მუშაობს საარჩევნო თემაზე მომუშავე ჯგუფი, იქ მონაწილეობს, როგორც „ნაციონალური მოძრაობა“, ასევე „ევროპული საქართველო“ და მათ გაშვებას ამ ფორმატიდან არავინ აპირებს“, - განაცხადა ჩუგოშვილმა.

გარდა ამისა, როგორ ჩუგოშვილმა აღნიშნა,  საარჩევნო სისტემაზე მსჯელობა საერთო სახალხო განხილვისა და საპარლამენტო განხილვების ფორმატში  გაიმართება.

„ყველა სხვა საკითხი, რომელიც შეეხება საარჩევნო თემატიკას, განიხილება საარჩევნო ჯგუფში, უკვე დათქმული გვაქვს, ამ სამუშაო ჯგუფის შეხვედრა 8 ივლისს უნდა დაიწყოს და სამი დღის განმავლობაში უნდა გაგრძელდეს. რაც შეეხება საკონსტიტუციო ცვლილებებს ანუ საარჩევნო სისტემის ცვლილებას, დაინიცირებიდან სულ მცირე, ერთი თვე საერთო სახალხო განხილვები უნდა მიმდინარეობდეს, ხოლო სექტემბრიდან დაიწყება საკომიტეტო და სასესიო განხილვები“,  - აღნიშნა ჩუგოშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ფიფა 2026 წლის მსოფლიო ჩემპიონატის ფინალის გადადებას ხანძრების გამო გამორიცხავს - Bloomberg

ზელენსკი სირსკის შემცვლელად მუშაობას განიხილავს - FT

უკრაინის გენერალურმა შტაბმა ნავთობის საცავის გარდა, ტანკერების და გემ „სვეტლიაკის“ დაბობვის შესახებ განაცხადა

ტაქსის ფასებით თურქეთი საქართველოს მეზობლებს შორის ლიდერობს, საქართველო კი მეორე ადგილზეა