უმაღლეს საბჭოში აჭარის ჯანდაცვის სამინისტროს 2020 წლის პრიორიტეტები განიხილეს

2019-06-21 20:42:10, 2398 ნახვა

რეგიონი

აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს 2020 წლის პრიორიტეტები აჭარის ავტონომიური რესპუბლიკის უმაღლესი საბჭოს ჯანმრთელობის დაცვისა და სოციალურ საკითხთა კომიტეტის სხდომაზე განიხილეს.

სხდომას კომიტეტის თავმჯდომარე ნუგზარ სურმანიძე უძღვებოდა.

სხდომაზე აჭარის ავტონომიური რესპუბლიკის მომავალი წლის ბიუჯტის პროექტის შესახებ ინფორმაცია აჭარის ა/რ ფინანსთა და ეკონომიკის მინისტრმა ჯაბა ფუტკარაძემ წარმოადგინა.

მინისტრის ინფორმაციით, სამინისტროებს 100 მილიონი ლარის პროექტები აქვთ, რომლებიც მოსახლეობის მდგომარეობის გაუმჯობესებას ითვალისწინებს.

სხდომაზე ინფორმაცია წარადგინა ჯანმრთელობისა და სოციალური დაცვის მინისტრის პირველმა მოადგილემ ნინო ნიჟარაძემ. კანონმდებლებმა მას ჯანდაცვის მიმართულებით კომიტეტის წინადადებები და რეკომენდაციები გააცნეს.

მომხსენებლებმა უპასუხეს უმაღლესი საბჭოს წევრების შეკითხვებს. წარმოდგენილი ინფორმაცია კომიტეტმა ცნობად მიიღო.

(NS)

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,