2019-06-09 08:45:23, 1361 ნახვა
სამართალი
მაშველებმა მცხეთაში, ქსნის ციხიდან 7 მოქალაქე ჩამოიყვანეს
შინაგან საქმეთა სამინისტროს გადაუდებელი დახმარების ოპერატიულ მართვის ცენტრ - „112"-ში შემოვიდა შეტყობინება, რომ მცხეთაში, ქსნის ციხეზე ასული მოქალაქეები ძლიერი წვიმის გამო უსაფრთხო ადგილზე ჩამოსვლას ვერ ახერხებდნენ. დახმარება შვიდ ახალგაზრდას სჭირდებოდა.
უწყების ცნობით, შეტყობინების შემოსვლიდან უმოკლეს დროში ადგილზე გამოცხადდა სამშველო ეკიპაჟი. ახალგაზრდების ქსნის ციხიდან ჩამოყვანას ძლიერი წვიმა და რთული რელიეფი ართულებდა.
ამ დროისთვის თითოეული მათგანი უვნებლად არის და თავს კარგად გრძნობს.
(NS)
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
