საბერძნეთის პრემიერ-მინისტრმა ალექსის ციპრასმა მოსახლეობას მოუწოდა, დაგეგმილ რეფერენდუმზე მხარი არ დაუჭირონ საერთაშორისო კრედიტორების მოთხოვნას. მისი თქმით, თუ ამომრჩეველი მკაცრ ეკონომიკურ რეფორმებზე უარს იტყვის, ეს საბერძნეთს შესაძლებლობას მისცემს, ევროკავშირთან და საერთაშორისო სავალუტო ფონდთან კომპრომისს მიაღწიოს. ციპრასის განცხადებით, იგი წინააღმდეგ შემთხვევაში, პრემიერის პოსტს დატოვებს. ათენს დღეს ბოლო დღე აქვს იმისათვის, რომ 1,6 მილიარდი ევროს ოდენობის ვალი გადაუხადოს საერთაშორისო სავალუტო ფონდს. ევროპელი ლიდერების განცხადებით, თუ რეფერენდუმის შედეგები კრედიტორების მოთხოვნას უარყოფს, საბერძნეთს ევროზონის დატოვება მოუწევს. მიმდინარე პროცესებთან დაკავშირებით, ქვეყნის მთავრობამ ბანკების ერთი კვირით დახურვის გადაწყვეტილება მიიღო. ბანკომატებიდან თანხის გატანა შეიზღუდა. დაწესდა დღიური ლიმიტი მაქსიმუმ 60 ევროს ოდენობით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის