ფრაქცია "ქართული ოცნების" თავმჯდომარე მამუკა მდინარაძე აცხადებს, რომ "ნაციონალური მოძრაობის" მხრიდან პროვოკაციებს ხმების დათვლის დროსაც ელიან, თუმცა ამისთვის მზად არიან.

მდინარაძემ მხარდამჭერებს მადლობა გადაუხადა. 

"საზოგადოებამ რეალურად ნახა, რომ დღეს არჩევნები იყო მშვიდ ვითარებაში მიუხედავად იმისა, რომ მედიასაშუალებების გარკვეული ნაწილი ცდილობდა სხვაგვარად წარმოეჩინა დღევანდელი დღე, თუმცა არჩევნები ჩატარდა დემოკრატიულად, ისე,როგორც უნდა ჩატარებულიყო ის, კანონის ფარგლებში. კარგად იმუშავეს როგორც სამართალდამცავებმა, ისე ჩვენმა წარმომადგენლებმა, კანონის ფარგლებში მათ შეძლეს,პრაქტიკულად, ყველა პროვოკაციის თავიდან აცილება. დიდი მადლობა უნდა გადავუხადოთ დამკვირვებლებსაც, რომლებმაც მნიშვნელოვანი როლი შეასრულეს ამაში და, ასევე, მადლობა საზოგადოებას, რომლის წარმომადგენლებიც არ წამოეგნენ ამ პროვოკაციებზე. ჩვენ, ამ ეტაპზე, პროგნოზის გაკეთებისგან თავს შევიკავებთ. მართალია, ჩვენი მონაცემებით ჩვენი ყველა კანდიდატი დამაჯერებლად ლიდერობს, მაგრამ რამდენიმე საათში გვექნება გაცილებით მყარი მონაცემები, რასაც მყისვე ვაცნობებთ საზოგადოებას თქვენი მეშვეობით. პროვოკაციებს ადგილი ჰქონდა დღევანდელ დღემდეც, დღესაც, რასაც არ წამოეგო არც საზოგადოება, რომელთაც მიიღეს მონაწილეობა არჩევნებში, არც სამართალდამცავები წამოეგნენ და არც ჩვენი წარმომადგენლები. თუმცა, პროვოკაციებს რა თქმა უნდა ველოდებით, ამისთვისაც მზად ვართ და ვფიქრობთ რომ აქაც უშედეგო იქნება ჩვენი ოპონენტების ძალიან დიდი ნაწილის მცდელობა, რომ ამაზე ააგოს მთელი საარჩევნო კამპანია მათი გაგებით. პროვოკაციების მცდელობა იქნება, მაგრამ ამ პროვოკაციებს მეტი გასაქანი და მეტი ასრულება შეიძლება აღარ ჰქონდეთ, რადგან ჩვენ მზად ვართ ნებისმიერი ტიპის პროვოკაციისთვის , როგორც პარტია, ასევე სამართალდამცავი ორგანოები", - განაცხადა მამუკა მდინარაძემ. 

ავტორი: ექსპრესნიუსი,

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს