„შვილი თუ რძალი?“ - ზუგდიდის მაჟორიტარმა დევნილებს გეგა შენგელიას მხარდაჭერისკენ მოუწოდა

2019-05-13 13:18:00, 1323 ნახვა

პოლიტიკა

რომელი გირჩევნიათ, რძალი თუ შვილი სახლში? - ამ სიტყვებით ზუგდიდის მაჟორიტარმა დეპუტატმა ედიშერ თოლორაიამ ზუგდიდის კულტურის სახლში დევნილებს სიტყვით გამოსვლის დროს მიმართა.

დეპუტატმა დევნილებს „ქართული ოცნების“ ზუგდიდის მერობის კანდიდატ გეგა შენგელიას მხარდაჭრისკენ მოუწოდა.

„2016 წელს, როდესაც ქალბატონი სანდრა რულოვსი იყო კანდიდატი ოპოზიციის მხრიდან. ჩვენი ხელისუფლება არასდროს არ უპირისპირდება არც ქალბატონს და მითუმეტეს, ოპოზიციურ მხარეს ბინძური მეთოდებით. უბრალოდ იყო ასეთი რაღაცა: მე რძალი ვარო თქვენი (მა ნოსა ვორექ თქვან). გეგა არის ჩვენი შვილი. ნამ გისხუნნა-ნოსა თუ სკუა უდეს? (რომელი გირჩევნიათ, რძალი თუ შვილი სახლში? ) ჩვენს შვილს დავუჭიროთ მხარი, გეგა შენგელიას“, - აღნიშნა ედიშერ თოლორაიამ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან