დღეს ფოკუსირებული უნდა ვიყოთ კონკრეტულ შედეგზე, რაც გულისხმობს ანაკლიის პორტის მშენებლობის სწრაფი ტემპებით დაწყებას, - ამის შესახებ პრემიერ-მინისტრმა მამუკა ბახტაძემ ზუგდიდში, ჟურნალისტებს განუცხადა.

როგორც პრემიერმა აღნიშნა, საქართველომ უმოკლეს ვადაში უნდა მიიღოს ღრმაწყლოვანი პორტი, რათა მისი ტრანზიტული ფუნქციის სრულფასოვანი რეალიზაცია მოხდეს.

„კიდევ ერთხელ მსურს, დავარწმუნო ქართული საზოგადოება, რომ ანაკლიის ღრმაწყლოვანი პორტი, ეს არის ჩვენი სტრატეგიის განუყოფელი ნაწილი. უფრო მეტიც, ჩვენ შევძელით ის, რომ აღნიშნული პროექტი გაჩნდა ძალიან ბევრი საერთაშორისო ფინანსური ინსტიტუტის სიაში. აქედან გამომდინარე, ძალიან მნიშვნელოვანია, რომ დავიწყოთ ამ პროექტის რეალიზაცია უმოკლეს ვადაში. მოლაპარაკებები გრძელდება კრედიტორებთან, მათ შორის კონსორციუმს, მის აქციონერებს აქვთ შესასრულებელი კონკრეტული ვალდებულები. ვიტყოდი, რომ დღეს ფოკუსირებული უნდა ვიყოთ კონკრეტულ შედეგზე და კონკრეტული შედეგი ჩვენთვის არის მშენებლობის დაწყება, დაწყება სწრაფი ტემპებით, რომ რაც შეიძლება მოკლე ვადაში საქართველომ მიიღოს ღრმაწყლოვანი პორტი, რათა შევძლოთ ჩვენი პორტის სრულფასოვანი ტრანზიტული ფუნქციის რეალიზაცია. ეს არის დამოკიდებული ვალდებულების შესრულებაზე, იმ მოლაპარაკებებზე, რომელიც მიმდინარეობს“, – განაცხადა პრემიერმა.

ავტორი: ექსპრესნიუსი,

სოციალური ქსელები

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ

ყირიმში მასშტაბური ტყის ხანძარი გაჩნდა

სიკორსკიმ გააკრიტიკა პოლონეთის რეაქცია „თეთრი არწივის ორდენის“ სკანდალზე