ორგანიზაცია "ჯუნიორ ეჩივმენტ საქართველოს“ აღმასრულებელი დირექტორი ეკა გეგეშიძე გამოეხმაურა ეკონომიკისა და მდგრადი განვითარების მინისტრის ნათია თურნავას ინიციატივას სპეციალური ელექტრონული პლატფორმის შექმნის შესახებ, სადაც ეკონომიკის დარგის სპეციალისტებსა და ექსპერტებს საკუთარი მოსაზრებების გაზიარება-დაფიქსირება შეეძლებათ.

ეკა გეგეშიძის განცხადებით, აღნიშნული ინიციატივა რამდენიმე მიმართულებით არის სასიცოცხლოდ მნიშვნელოვანი.

„აქამდე ჩატარებული რეფორმების დიდი ნაწილის შემუშავებაში საქართველოს ეკონომისტ-მეცნიერები ნაკლებად იყვნენ ჩართული, არადა, სწორედ მათი მოსაზრებებია მნიშვნელოვანი საქართველოს თანამედროვე გამოწვევებზე მსჯელობისას. ისინი ძალიან კარგად იცნობენ საქართველოს მდგომარეობას, ხოლო უცხოელი ეკონომისტების მიერ ერთჯერადად თავსმოხვეული ინიციატივები ძალიან ხშირად მარცხით მთავრდება“, - განაცხადა  ორგანიზაცია "ჯუნიორ ეჩივმენტ საქართველოს“ აღმასრულებელმა დირექტორმა. 

ეკა გეგეშიძის თქმით, ეკონომიკის მინისტრის ინიციატივა ხელს შეუწყობს უფრო ეფექტიანი რეფორმების დაგეგმვას და განხორციელებას, ასევე ახალი იდეების გენერირებას ეკონომიკური ზრდის პროექტებისათვის.

(NS)

ავტორი: ექსპრესნიუსი,

სოციალური ქსელები

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ

ყირიმში მასშტაბური ტყის ხანძარი გაჩნდა

სიკორსკიმ გააკრიტიკა პოლონეთის რეაქცია „თეთრი არწივის ორდენის“ სკანდალზე