ტელეკომპანია „იმედის“ ყოფილმა თანამშრომელმა თათია სამხარაძემ, ტელეწამყვან შალვა რამიშვილს დავა მეორე ინსტანციის სასამართლოშიც მოუგო.

როგორც სამხარაძე Facebook-ის საკუთარ გვერდზე წერს, სასამართლომ დაადგინა, რომ სექსუალური შევიწროვება დისკრიმინაციის ფორმაა და რამიშვილს მორალური კომპენსაციის გადახდა დააკისრა.

„2016 წელს, კედლიდან-კედელზე დაათრევდნენ ამ კონკრეტულ ფოტოს, როგორც დამამტკიცებელ საბუთს, რომ "შესავიწროვებელი უნდა შეავიწროვო". სამი წელი ვიბრძოლე ყველა ბერკეტის და რესურსის გამოყენებით, რათა დამემტკიცებინა, რომ მსხვერპლიდან რთულად, მაგრამ შეიძლება გამარჯვებულად იქცე. ამ დროში ბევრჯერ სრულად დავკარგე ძალები და საკუთარი თავის რწმენაც, მაგრამ ყველა ჯერზე ისევ მიწევდა გამეგრძელებინა ჩემი უფლებებისთვის ბრძოლა. დღეს, მინდა ხმამაღლა და ბოლო აკორდად ისევ გავიმეორო, ქალის სხეული და სექსუალობა მხოლოდ ქალსვე ეკუთვნის და ძალისმიერი მეთოდებით არ მოიპოვება. ამ საქმის ყველა ეტაპზე, დიდი მადლობა ჩემს ადვოკატებს და ადამიანებს რომლებმაც თუნდაც ერთი სიტყვით მაინც სცადეს ჩემი მხარდაჭერა. თუ ჩემი გზა, ვინმე ქალს მომავალში ბრძოლას გაუადვილებს, ვიამაყებ, რომ ცხოვრებაში ერთი საზოგადოდ დიდი და კარგი საქმე გამიკეთებია“, - წერს თათია სამხარაძე.

შეგახსენებთ, თათია სამხარაძემ შალვა რამიშვილს სექსუალური შევიწროებისთვის 2016 წელს უჩივლა. გასული წლის იანვარში თბილისის საქალაქო სასამართლომ სამხარაძის სარჩელი დააკმაყოფილა და რამიშვილს მორალური ზიანის ანაზღაურებისთვის 2 000 ლარის გადახდა დააკისრა. ამის შემდეგ საქმე სააპელაციო სასამართლოში გაგრძელდა. სააპელაციომ პირველი ინსტანციის გადაწყვეტილება ძალაში დატოვა, უზენაეს სასამართლოში გასაჩივრების ვადა კი, ამოწურულია. შესაბამისად, საქმე „სამხარაძე რამიშვილის წინააღმდეგ“ დასრულდა.

ავტორი: ექსპრესნიუსი,

სოციალური ქსელები

თეთრმა სახლმა განაცხადა, რომ აშშ-სა და ირანს შორის ტექნიკური მოლაპარაკებები მიმდინარეობს

უკრაინამ Rheinmetall-ისგან 155 მმ-იანი საარტილერიო ჭურვები შეუკვეთა

უკრაინამ და შვედეთმა 16 Gripen E გამანადგურებლის შესყიდვის შესახებ შეთანხმებას მოაწერეს ხელი

ღალიბაფი: თუ აშშ უარს იტყვის დიალოგის გზით ნაკისრი ვალდებულებების შესრულებაზე, ჩვენ ომისთვის მზად ვართ