ნატოს გენერალური მდივანი იენს სტოლტენბერგი საქართველოში ჩამოვიდა. მასთან ერთად საქართველოში ჯეიმს აპატურაიც ჩამოვიდა. მას აეროპორტში საქართველოს საგარეო საქმეთა მინისტრი დავით ზალკალიანი დახვდა. 

ნატო-ს გენერალური მდივანი ნატო-საქართველოს ერთობლივ წვრთნებსაც დაესწრება, რომელსაც საქართველოს თავდაცვის ძალები ხელმძღვანელობენ.

იენს სტოლტენბერგს თბილისის აეროპორტში საქართველოს საგარეო საქმეთა მინისტრი დახვდა. დავით ზალკალიანმა ნატო-ს გენერალური მდივნის ვიზიტის მნიშვნელობაზე ისაუბრა. 

„ვიზიტი ტარდება ნატო-ს საიუბილეო მინისტერიალის წინ და მთლიანად, ერთი კვირა არის უაღრესად ინტენსიური, ნატო-სთან ურთიერთობის კონტექსტში. ნატო-ს გენერალური მდივნის ვიზიტი, რომელიც ასევე ემთხვევა ნატო-ს სწავლებას და ეს სწავლება პირველია, რომელიც წვრთნისა და შეფასებების მისიის ეგიდით. ამავე კვირაში, ჩვენ გვაქვს ნატო-ს სამხედრო კომიტეტის სხდომა საქართველოში. საქართველოს ეწვევა ნატო-ს წევრი ქვეყნების სამხედრო გენერალიტეტის წარმომადგენლობა, საკმაოდ მაღალი და ამავე კვირაში, მე მექნება ბრიუსელში ნატო -საქართველოს საბჭოს ფარგლებში, ცალკე შეხვედრა, რომელიც მიეძღვნება შავი ვის უსაფრთხოების საკითხებს. ერთ კვირის განმავლობაში, ასეთი ინტენსივობით და ასეთი დატვირთვით ნატო-სთან ურთიერთობის კონტექსტში საქართველოს დღის წესრიგში ყოფნა, მიანიშნებს იმაზე, თუ რაოდენ პრიორიტეტულია საქართველო ნატოს პოლიტიკურ დღის წესრიგში,“ - განაცხადა დავით ზალკალიანმა.

ავტორი: ექსპრესნიუსი,

სოციალური ქსელები

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი

ქუთაისში, იოსელიანის ქუჩაზე ხარაჩო ჩამოიშალა და მუშა მოიყოლა, ის გარდაიცვალა