ევრო 2020–ის საკვალიფიკაციო ეტაპის პირველი ტურის მატჩში საქართველოს ნაკრები შვეიცარიას "დინამო არენაზე" უმასპინძლებს. შეხვედრა 18:00 საათზე დაიწყება.

adjarasport.com წარმოგიდგენთ ყველაფერ საინტერესოს, რაც აღნიშნული მატჩის შესახებ უნდა იცოდეთ.

ტრავმირებულები

როგორც იცით, საქართველოს ნაკრებს ტრავმის გამო 19 წლის ლიდერი გიორგი ჩაკვეტაძე ვერ ეხმარება. რაც შეეხება იმ ფეხბურთელებს, რომლებიც ვლადიმირ ვაისის განკარგულებაში არიან, მათგან გუნდის დახმარებას მხოლოდ გიორგი მერებაშვილი ვერ შეძლებს, რომელმაც ვარჯიშზე მუხლი იტკინა.

საქართველოსთან მატჩს სერიოზული დანაკლისით ხვდება ვლადიმირ პეტკოვიჩის გუნდიც. მათ შეტევის ხაზის 3 ლიდერი: ხედრან შაქირი, ჰარის სეფეროვიჩი და ადმირ მეჰმედი დააკლდებათ. ამ ტრიოს ანგარიშზე უკანასკნელ 10 მატჩში შვეიცარიის 19 გოლიდან 13–ია.

                                                    მწვრთნელების კომენტარები

ვლადიმირ ვაისი(საქართველოს ნაკრების მწვრთნელი): "ჩვენ არ გვსურს, რომ ევროპის ჩემპიონატის საკვალიფიკაციო ეტაპი ერთა ლიგის ნახევარფინალური შეხვედრისთვის მოსამზადებლად გამოვიყენოთ. მაქსიმუმი რისი მიღწევაც შეგვიძლია ეს ამ ჯგუფიდან ევროპის ჩემპიონატზე გასვლაა და ამისთვის ჩვენ ყველაფერს გავაკეთებთ.  ყველაფერი ჩვენზე და ჩვენს მომზადებაზეა დამოკიდებული. მაინტერესებს როგორი რესურსი აქვს საქართველოს ნაკრებს და დროა ვნახოთ, რას წარმოვადგენთ დიდი გუნდების წინააღმდეგ".

ვლადიმირ პეტკოვიჩი(შვეიცარიის ნაკრების მწვრთნელი): "წარმატების რეცეპტი მარტივია: ბევრი შრომა. ჩვენ დისციპლინირებული გუნდი გვყავს და ამან მოიტანა ეს შედეგები. საკუთარ თავებში დარწმუნებულები ვართ. ასე უნდა ვიყოთ ხვალაც და სახლში 3 ქულა წავიღოთ. ქართველები აგრესიულები და შემტევები არიან. ფიზიკურად ამტანები არიან და ეს უნდა გავითვალისწინოთ".

                                                              ურთიერთშეხვედრები

 

საქართველოს და შვეიცარიის ურთიერთშეხვედრების ისტორია დიდი არაა. ეს ქვეყნები ერთმანეთს სულ ორჯერ შეხვდნენ და "ჯვაროსნებს" უარყოფითი ბალანსი აქვთ – 1 წაგება, 1 ფრე.

08/09/2002 შვეიცარია - საქართველო 4:1
02/04/2003 საქართველო - შვეიცარია 0:0

                                                                     მსაჯები

საქართველოსა და შვეიცარიის ნაკრებების დაპირისპირებას ინგლისელ მსაჯთა ბრიგადა კრეიგ პოუსონის ხელმძღვანელობით განსჯის. მისი დამხმარეებიც თანამემამულეები იქნებიან: ლი ბითსი და გარი ბესუიქი. რაც შეეხება მეოთხე მსაჯს, იგი ენტონი ტეილორი იქნება, რომელიც ასევე ინგლისელია.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან