საქართველოს ოკუპირებული ტერიტორიებიდან იძულებით გადაადგილებულ პირთა, დევნილთა და განსახლების მინისტრმა სოზარ სუბარმა სტიქიის შედეგად დაზარალებული ნათელა ოქრუაშვილი მოინახულა. 

ამის შესახებ „ექსპრესნიუსს“ ლტოლვილთა და განსახლების სამინისტროდან აცნობეს.

მათივე ცნობით, ნათელა ოქრუაშვილი ამჟამად საუნივერსიტეტო  კლინიკაში იმყოფება და მის ჯანმრთელობას საფრთხე არ ემუქრება.

სტიქიის ღამეს ახალდაბაში მოვარდნილმა წყალმა ნათელა ოქრუაშვილის სახლი მთლიანად დაფარა. ქალბატონი ნათელა სიკვდილს მისმა მეზობელმა ქეთევან არეშიძემ  გადაარჩინა. 

უწყების ინფორმაციით, სოზარ სუბარის  განცხადებით, ნათელა ოქრუაშვილი საავადმყოფოდან გამოწერისთანავე უზრუნველყოფილი იქნება დროებითი თავშესაფრით, ხოლო შემდგომ სახელმწიფო ალტერნატიულ საცხოვრებელ ფართს გადასცემს.

სტიქიიდან  რამდენიმე დღის გასვლის შემდეგ, ახალდაბა ღვარცოფის შედეგად  მოვარდნილი შლამისა და ქვა-ღორღისგან  გაწმენდილია, სოფელს უკვე მიეწოდება ელექტრო ენერგია და აღდგენილია გზა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია