„ჩვენ სტრატეგიული პარტნიორები ვართ“ - ვლადიმერ პუტინი ანატოლი ბიბილოვს შეხვდა

2019-03-07 11:08:50, 1639 ნახვა

პოლიტიკა

მოსკოვში რუსეთის პრეზიდენტის ვლადიმერ პუტინის და ოკუპირებული სამხრეთ ოსეთის დე-ფაქტო ლიდერის ანატოლი ბიბილოვის შეხვედრა გაიმართა, - ამის შესახებ "სპუტნიკ ოსეტია" იუწყება.

როგორ შეხვედრის დროს ვლადიმერ პუტინმა აღნიშნა, ისინი სტრატეგიული პარტნიორები არიან.

"რუსეთი ყველაფერს აკეთებს სამხრეთ ოსეთის უსაფრთხოებისთვის და განვითარებისთვის. ჩვენ ყველაფერს ვაკეთებთ, რათა რესპუბლიკის სოციალურ-ეკონომიკური განვითარება და უსაფრთხოება უზრუნველყოთ", - განაცხადა პუტინმა. მანვე დასძინა, რომ ე.წ. სამხრეთ ოსეთში მალე "საპარლამენტო არჩევნები გაიმართება, სადაც რუსეთი დამკვირვებლებს გაგზავნის".

თავის მხრივ დე-ფაქტო პრეზიდენტმა, ანატოლი ბიბილოვმა რუსეთს მხარდაჭერისთვის მადლობა გადაუხადა და აღნიშნა, რომ ასეთი ტიპის შეხვედრები ძალიან მნიშვნელოვანია.

"ეს ცხადყოფს, რომ სამხრეთ ოსეთის განვითარება და სტრატეგიული პარტნიორობა რუსეთთან მაღალ დონეზეა", - აღნიშნა ანატოლი ბიბილოვმა.