სტიქიის ზონაში მიმდინარე გაწმენდით სამუშაოებში საქართველოს შეიარაღებული ძალების დამატებითი ძალა ჩაერთო. 
თვდაცვის სამინისტროს ინფორმაციით, საქართველოს შეიარაღებული ძალების I ქვეითი და IV მექანიზირებული ბრიგადების სამხედრო მოსამსახურეები სალიკვიდაციო სამუშაოებში შუადღიდან ახალ ლოკაციებზე  გაწმენდით სამუშაოებს ასრულებენ.  სამხედროები გმირთა მოედანსა და სიმონ ჩიქოვანის ქუჩის ბოლოში მდებარე კორპუსების სარდაფებისა და სადარბაზოების, ასევე ავტოფარეხების გაწმენდაში მონაწილეობენ. 
„საქართველოს შეიარაღებული ძალების სხვადასხვა ქვედანაყოფი სტიქიის შედეგად მიყენებული ზარალის სალიკვიდაციო სამუშაოებში პირველივე ღამეს ჩაერთო. დღეს, სამხედრო ქვედანაყოფების მუშაობას თავდაცვის მინისტრი პირადად გაეცნო. თინათინ ხიდაშელი ევროპაში ვიზიტის დასრულების შემდეგ აეროპორტიდან პირდაპირ სტიქიის ზონაში გაემართა. თბილისის ზოოპარკის ტერიტორიაზე გაწმენდითი სამუშაოების შესახებ ინფორმაცია თავდაცვის მინისტრს გენერალური შტაბის უფროსმა, გენერალ-მაიორმა ვახტანგ კაპანაძემ მიაწოდა“, – ნათქვამია სამინისტროს განცხადებაში. 
უწყების ცნობით, ქვედანაყოფების პირადი შემადგენლობა წყნეთისა და სვანიძის ქუჩების, ვერეს ხეობაში ზოოპარკისა და მის მიმდებარე ტერიტორიებს ასუფთავებს. ქართველი სამხედროები მაშველთა ჯგუფს დაზიანებული და ჩაძირული ტექნიკის ამოყვანაშიც ეხმარებიან. სარეაბილიტაციო სამუშაოებისთვის ჯარების ლოგისტიკური სარდლობის სპეციალური ტექნიკაცაა მობილიზებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან