ამერიკის შეერთებული შტატების პრეზიდენტი დონალდ ტრამპი ბიუჯეტს ხელს მოაწერს და აშშ-მექსიკის საზღვარზე საგანგებო მდგომარეობას გამოაცხადებს, - ამის შესახებ BBC თეთრ სახლზე დაყრდნობით იუწყება. 

როგორც დონალდ ტრამპის ადმინისტრაციის პრესსპიკერმა სარა სანდერმა განმარტა, პრეზიდენტის აღნიშნული გადაწყვეტილებით, საზღვარზე ეროვნული უსაფრთხოების და ჰუმანიტარული კრიზისი შეწყდება. 

„პრეზიდენტი კვლავ ასრულებს თავის დაპირებას კედლის აშენებასთან, საზღვრის დაცვასთან და ჩვენი დიდებული ქვეყნის უსაფრთხოების უზრუნველყოფასთან დაკავშირებით“, - განაცხადა სანდერსმა.

მედია საშუალების ინფორმაციით, საზღვარზე საგანგებო მდგომარეობის გამოცხადებით, ტრამპი შეძლებს კედლის მშენებლობაზე დაფინანსება კონგრესის გვერდის ავლით მიიღოს. 

აღსანიშნავია, რომ აშშ-მექსიკის საზღვარზე კედლის აშენების დაპირება, ერთ-ერთი მთავარი დაპირება იყო ტრამპის წინასაარჩევნო კამპანიის დროს. 

თეთრი სახლის ლიდერის გადაწყვეტილება დემოკრატმა კონგრესმენებმა გააკრიტიკეს და აღნიშნეს, რომ ტრამპი ძალაუდლებას უკანონო ქმედებების განსახორციელებლად იყენებს. პრეზიდენტის გადაწყვეტილების წინააღმდეგ მისი რამდენიმე თანაგუნდელიც "რესპუბლიკური პარტიიდან" წავიდა. 

ცნობისთვის, კედლის მშენებლობის დაფინანსებასთან დაკავშირებულმა უთანხმოებამ 35-დღიანი, ამერიკსი ისტორიაში ყველაზე ხანგრძლივი ე.წ. შათდაუნი გამოიწვია, როდესაც პრეზიდენტმა ბიუჯეტზე ხელის მოწერაზე უარი თქვა და უწყებები დაფინანსების გარეშე დატოვა. 

ავტორი: ,

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა