„ჩვენი გუნდის რომელიმე წევრის გარიცხვასთან დაკავშირებით მსჯელობა  არ მომხდარა“, - ამის შესახებ უმრავლესობის წევრმა, არჩილ თალაკვაძემ სხდომის დასრულების შემდეგ ჟურნალისტებს განუცხადა.

როგორც დეპუტატმა აღნიშნა, უმრავლესობაში მსჯელობა სასამართლო სისტემასთან დაკავშირებულ საკითხებზე ხვლაც გაგრძელდება.

შედგა მნიშვნელოვანი შეხვედრა, პრაქტიკულად მთელი დრო დავუთმეთ სასამართლოსთან დაკავშირებულ მსჯელობას, ყველას ჰქონდა შესაძლებლობა, რომ საკუთარი პოზიციები ამ თემასთან დაკავშირებით გამოეხატა და ვფიქრობთ, რომ უკვე პროცესი უბრუნდება ნორმალურ სამუშაო კალაპოტს და არის რესურსი ძირითად პრინციპებზე შეთანხმების, რომლითაც ჩვენ უნდა ვიხელმძღვანელოთ ამ სამუშაო პროცესში და ვიხელმძღვანელოთ უზენაესი სასამართლოს დაკომპლეტების დროს გადაწყვეტილების მიღების თვალსაზრისით. მსჯელობა გაგრძელდება ხვალაც, ვინაიდან მსჯელობა ჯერ არ არის დასრულებული. ვიტყოდი, რომ იყო ძალიან კონსტრუქცული შეხვედრა და როგორც გითხარით, მე, პირადად, ვხედავ რესურსს, რომ ამ საკითხთან დაკავშირებით პრინციპული შეთანხმებები გუნდში იყოს მიღწეული. რაც მთავარია, გუნდში დღეს არსებობს თანხმობა იმასთან დაკავშირებით, რომ ჩვენ ყველა ვიმუშავებთ და მივიღებთ გადაწყვეტილებებს სასამართლოსთან დაკავშირებით, რომელიც ემსახურება სასამართლოს დამოუკიდებლობას, სასამართლოს თავისუფლებას და ემსახურება ისეთ სასამართლოს, რომელიც ჩვენი ქვეყნის დემოკრატიულ განვითარებას ხელს შეუწყობს“, - აღნიშნა არჩილ თალაკვაძემ.

ავტორი: ,

სოციალური ქსელები

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს

უკრაინის პარლამენტმა ქვეყნის მთავრობა დაითხოვა

გეგელია - იმ ფონზე, როცა უკრაინა და მოლდოვა წინ მიდიან, საქართველო არის სრულ ჩიხში და იზოლაციაში

ჩინეთმა რუსეთთან ახალი გაზსადენი „სიბირის ძალა 2“-ის შესახებ მოლაპარაკებები შეაჩერა