ოკუპირებული ტერიტორიების ე.წ. ლიდერები ვენესუელაში ჩავიდნენ

2019-01-10 14:27:53, 763 ნახვა

რეგიონი

ოკუპრებული აფხაზეთის და ცხინვალის რეგიონების დე-ფაქტო პრეზიდენტები, რაულ ხაჯიმბა და ანატოლი ბიბილოვი კარაკასში იმყოფებიან, სადაც ვენესუელის პრეზიდენტად მეორე ვადით არჩეული ნიკოლას მადუროს ინაუგურაციას დაესწრებიან, - ამის შესახებ "რესი" იუწყება.

მედია საშუალების ინფორმაციით, მარიონეტული რეჟიმის წარმომადგენლები ნიკოლას მადუროს შეხვდებიან. მანამდე ე.წ. სამხრეთ ოსეთის დე-ფაქტო პრეზიდენტმა ანატოლი ბიბილოვმა, ქვეყნის ყოფილი ლიდერის უგო ჩავესის ხსოვნას პატივი მიუგო.

მისივე განცხადებით, "უგო ჩავესი გამორჩეული ლიდერი იყო, რომლის დამსახურებითაც ვენესუელამ რეგიონის დამოუკიდებლობა აღიარა".

ცნობისთვის, ვენესუელამ საქართველოს, რუსეთის მიერ ოკუპირებული რეგიონები - აფხაზეთი და ცხინვალი ე.წ. დამოუკიდებელ რესპუბლიკად 2009 წლის სექტემბერში ცნო.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები