საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრი“ თემქის მოხუცთა პანსიონატში პროგრამას - „ორი თაობა“ ახორციელებს.

პროგრამის მიზანია, 14-18 წლის ახალგაზრდების მოხალისეობრივი ჩართულობა ხანდაზმულთა დასახმარებლად.

როგორც დანაშაულის პრევენციის ცენტრის დირექტორმა ჯონი კვინკაძემ განაცხადა, პროგრამა ხელს უწყობს  ახალგაზრდებში  უფროსი თაობის მიმართ მზრუნველობისა და პასუხისმგებლობის გრძნობის განვითარებას. 

„სკოლის მოსწავლეები ხანდაზმულთა თავშესაფრებს   სტუმრობენ და  მოხუცებს ყოველდღიურ საქმიანობაში ეხმარებიან, უკითხავენ გაზეთებს, მონაწილეობენ  ეზოს კეთილმოწყობაში, მონაწილეობენ პირველადი სამედიცინო დახმარების გაწევაშიც“, - განაცხადა ჯონი კვინიკაძემ.

ამასთან, დანაშაულის პრევენციის ცენტრის დირექტორის ინფორმაციით, პროგრამის ფარგლებში უკვე შეირჩა ცხრა მონაწილე, რომლებიც ერთი თვის განმავლობაში, თემქის ხანდაზმულთა პანსიონატში მოხალისეობრივ საქმიანობაში  მიიღებენ მონაწილეობას.

პროგრამის დასრულების შემდეგ ახალგაზრდები სერტიფიკატებს მიიღებენ.

დღეს პირველი მოხალისეები გახდნენ ნათია კაპანაძე, თამარ ჭანტურია და ნათია ბლიაძე, რომლებიც  91 წლის  დურმიშხან ბიძინაშვილის ნამუშევრებსაც გაეცნენ, დაათვალიერეს მისი სახელოსნო, მოისმინეს საჭიროებები და სამახსოვრო ფოტოებიც გადაიღეს.

იუსტიციის სამინისტროს დანაშაულის პრევენციის ცენტრის ერთ-ერთი მიმართულებაა ახალგაზრდებში მოხალისეობრივი კულტურის წახალისება, სამოქალაქო ცნობიერების ამაღლება და შემოქმედებითი ინიციატივების განვითარება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან