„ჩავაგდეთ კირკიტაძე და სხვებსაც ჩავაგდებთ“ - ამ ფრაზით გაყიდეთ საკუთარი პოლიტიკური არსი“, - ამ კითხვით მიმართა ენმ-ს წევრმა, სალომე სამადაშვილმა, შინაგან საქმეთა მინისტრს, გიორგი გახარიას პარლამენტში, სადაც ის დეპუტატების შეკითხვებს პასუხობს.

სამადაშვილის შეფასებით, ყველაფერი რაც შს მინისტრმა ილაპარაკა არის ფუჭი ჰაერის რხევა.

„ძალიან მოსაწყენი საყურებელი იყო, ბატონო გიორგი, ეს სპექტაკლი, რომელიც დადგით აქ, უმრავლესობის კოლეგებთან ერთად. ძალიან ეცადეთ, დიდხანს პასუხობდით შეკითხებს, რაღაცა ინტელექტუალური უპირატესობის დემონსტრირების მცდელობაც გქონდათ ოპოზიციაზე და შემდეგ, ერთი ფრაზით გაყიდეთ საკუთარი პოლიტიკური არსი და თქვენი პოლიტიკური გუნდის მსოფლმხედველობა - „ჩავაგდეთ კირკიტაძე და სხვებსაც ჩავაგდებთო“. ყველაფერი, რაც მანამდე თქვით არის ჰაერის რხევა და ახლა რასაც იტყვით, ისიც ასეთივე ფუჭი ჰაერის რხევაა. ამაში აისახება ბიძინა ივანიშვილის პოლიტიკური არსი და როგორც გაფუჭებული საათი, დღეში ერთხელ აჩვენებს ნამდვილ დროს, აი, სწორედ ასე, ამ ერთ ფრაზაში თქვენ დღეს ქართულ საზოგადოებას უთხარით სიმართლე“, - განაცხადა სალომე სამადაშვილმა.

ავტორი: ,

სოციალური ქსელები

გაზსადენზე მომხდარი ავარიის გამო დიღომში, დიდ დიღომსა და გლდანის რაიონში 4600 აბონენტს გაზის მიწოდება შეუწყდა

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო

სასამართლომ „ფორმულა“ გოგა ხაინდრავასთვის „მორალური ზიანის მიყენების გამო“ 10 000 ლარით დააჯარიმა

იავნანა ქართულის 1-ელი გაკვეთილი, BOG-ის ინიციატივა საზღვარგარეთ მცხოვრები ბავშვებისთვის