2018-12-17 14:58:48, 1252 ნახვა
პოლიტიკა
ლავროვი: რუსეთი არ დაუშვებს აფხაზეთისა და სამხრეთ ოსეთის წინააღმდეგ აგრესიას
რუსეთი არ დაუშვებს აგრესიას აფხაზეთისა და სამხრეთ ოსეთის წინააღმდეგ, - ამის შესახებ რუსეთის საგარეო საქმეთა მინისტრმა სერგეი ლავროვმა რადიო "კომსომოლსკაია პრავდასთან" ინტერვიუში განაცხადა.
სერგეი ლავროვმა საქართველოს ოკუპირებულ რეგიონებს "მოკავშირეები" უწოდა. შესაბამი განცხადება ლავროვმა ნატოსა და საქართველოს სამხედრო პოლიტიკური თანამშრომლობის გაძლიერების შეფასებისას გააკეთა.
„დარწმუნებული ვარ, რომ არსად შეყოფენ ცხვირს თავისი ბატალიონებით. მათ ესმით, რომ ჩვენ სამოკავშირეო ურთიერთობები გვაქვს აფხაზეთთან და სამხრეთ ოსეთთან. ჩვენ არ მივცემთ იმის უფლებას, რომ თავს დაესხან ჩვენს მოკავშირეებს“, - განაცხადა სერგეი ლავროვმა.
![]()
ავტორი: ,
epn.ge (@expressnews.ge)
