შუახევის მოხალისეები - წლის შემაჯამებელი ღონისძიება

2018-12-10 17:58:26, 771 ნახვა

რეგიონი

„მოხალისეთა საერთაშორისო დღის“ კვირეულის ფარგლებში შუახევის მუნიციპალიტეტის მერიაში წლის შემაჯამებელი ღონისძიება გაიმართა.

ღონისძიებას შუახევის მერი ფრიდონ ფუტკარაძე, საკრებულოს თავმჯდომარე გიორგი დავითაძე, მერის მოადგილე რუსუდან შავაძე, მერიისა და საკრებულოს სხვა ხელმძღვანელი პირები ესწრებოდნენ.

თარიღთან დაკავშირებით, მერიის ტურიზმისა და ახალგაზრულ საქმეთა განყოფილების წარმომადგენლებმა პრეზენტაცია წარმოადგინეს.

არასამთავრობო ორგანიზაცია ,,მაღალმთიანი აჭარის ახალგაზრდული კავშირი" დამსწრე საზოგადოებას გაუზიარებს თავიანთი მოხალისეობრივი საქმიანობის შესახებ გამოცდილება.

საქართველოს მოხალისე - რენა თავდგირიძემ შეაჯამა პროექტის ფარგლებში განხორციელებული მოხალისეობრივი საქმიანობა.

ღონისძიების ფარგლებში დაჯილდოვდნენ შუახევის 15 მოხალისე და ესეების კონკურსის ,,მე, მოხალისე - აქტიური მოქალაქე" გამარჯვებულები.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები