წაბლანის 60-ამდე ოჯახს წყლის პრობლემა მოუგვარდება

2018-12-03 14:18:55, 581 ნახვა

რეგიონი

შუახევის მუნიციპალიტეტში სასმელი წყლის სისტემის გაუმჯობესების და მოსახლეობის უკეთესი წყალმომარაგების მიზნით რამოდენიმე პროექტი ხორციელდება.

მათ შორისაა, წაბლანაში მიმდინარე პროექტი, რომელიც ითვალისწინებს 60-ამდე ოჯახის სასმელი წყალით უზრუნველყოფას.

წაბლანელებს წყალმომარაგების პრობლემა, რომელიც წლებია აწუხებს და განსაკუთრებით ზაფხულში განიცდის წყლის რესურსის სიმცირეს, ადგილობრივი ხელისუფლების ძალისხმევით წელს მოუგვარდება.

სოფლის მოსახლეობისთვის წყლის მოყვანა ღომას მთიდან ხორციელდება. სამუშაოებს ტენდერში გამარჯვებული შპს ,, გორა+ აწარმოებს. პროექტის ღირებულებაა 29 984 ლარი.

ამ დროისათვის მიდინარეობს მიწის გრუნტის დამუშავება და წყლის მილების ჩაწყობა. პროექტის ფარგლებში მოეწყობა წყლის სათავე ნაგებობა და გამანაწილებელი აუზი.

სამუშაოების მიმდინარეობის პროცესს გაეცნო ინფრასტრუქტურული ღონისძიებების მიმღები კომისიის წევრები.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები