სამთო-სათხილამურო კურორტების მაშველები პირველად სამედიცინო დახმარებაში გადამზადდებიან

2018-11-27 15:38:24, 889 ნახვა

რეგიონი

სამთო-სათხილამურო კურორტების მაშველები პირველად სამედიცინო დახმარებაში გადამზადდებიან. სწავლებას საგანგებო სიტუაციების კოორდინაციისა და გადაუდებელი დახმარების ცენტრი უზრუნველყოფს.

კურსი თეორიულ და პრაქტიკულ მეცადინეობებს მოიცავს. მთის კურორტების განვითარების კომპანიის 84 მაშველი ინტენსიურ მომზადებას სეზონის დაწყებამდე გადის. გადამზადების შემდეგ, მაშველები გუდაურის, ბაკურიანის, სვანეთისა და გოდერძის საკურორტო ზონებში განაწილდებიან, სადაც საჭიროების შემთხვევაში, დაშავებულისთვის პირველადი სამედიცინო დახმარების აღმოჩენას შეძლებენ.

სწავლების პროცესს საგანგებო სიტუაციების კოორდინაციისა და გადაუდებელი დახმარების ცენტრის დირექტორი ავთანდილ თალაკვაძე მთების კურორტების განვითარების კომპანიის ხელმძღვანელ თეიმურაზ გამცემლიძესთან ერთად გაეცნო.

სამთო მაშველების პირველადი სამედიცინო დახმარების მიმართულებით გადამზადების პროექტი პერმანენტული ხასიათისაა და საკურორტო ზონების უსაფრთხოების ზრდას ემსახურება.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები