საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი დავით სერგეენკო შიდა ქართლის რეგიონში ჯანდაცვის სექტორის წარმომადგენლებს შეხვდა.

სამინისტროს ინფორმაციით, ის ტყვიავის ამბულატორიაში სამედიცინო გასინჯვების აქციის მიმდინარეობას შიდა ქართლის სახელმწიფო რწმუნებულ-გუბერნატორ გიორგი ხოჯევანიშვილთან ერთად გაეცნო და მედპერსონალს გაესაუბრა. მინისტრმა საოკუპაციო ხაზთან მდებარე სოფლებში ჯანდაცვის სერვისების ხელმისწავდომობისთვის მსგავსი ტიპის აქციების მნიშვნელობა გამოჰყო.

გორის სახელმწიფო სასწავლო უნივერსიტეტში შეხვედრა რეგიონის სამედიცინო საზოგადოებასთან შედგა. მათ ჯანდაცვის სფეროში მიმდინარე პროგრამების შეფასება და დაგეგმილი სიახლეები პირადად მინისტრმა გააცნო. მოგვიანებით კი, აუდიტორიის მოსაზრებები მოისმინა და მათ მიერ დასმულ კითხვებს უპასუხა. შეხვედრის დასკვნით ნაწილში ჯანდაცვის მინისტრმა ღვაწლმოსილი ექიმი-ნევროპათოლოგი გურამ მაჩაიძე მედლით დააჯილდოვა.

რეგიონის სამედიცინო საზოგადოებასთან შეხვედრა პერმანენტულად, მიმდინარე პროექტების შეფასებისა და ახალი გეგმების დასახვაში ჯანდაცვის სექტორის ჩართულობის უზრუნველყოფისთვის იმართება.

(NS)

ავტორი: ,

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება