საქართველოსგან გამოყოფილი აფხაზეთი და ე.წ. მონეტები - ამერიკულმა გამოცემამ რეგიონის დამოუკიდებლობა აღიარა

2018-11-13 11:30:54, 1139 ნახვა

რეგიონი

ამერიკულმა გამოცემა "Krause"-მა, ოკუპირებული აფხაზეთის ე.წ. ეროვნული ბანკის მიერ გამოშვებული მონეტების ფოტოები გამოაქვეყნდა, - ამის შესახენ ინფორმაციას Sputnik Abkhazia იუწყება.

მედია საშუალების ინფორმაციით, აფხაზეთის რუკა ამავე გამოცემის ყდაზე დაიბეჭდა და ის საქართველოს ტერიტორიისგან გამოყოფილია.

მედიის ცნობით, კოლექციონერებისთვის განკუთვნილ მსოფლიო მონეტების კატალოგში, საქართველოს ოკუპირებული რეგიონი რესპუბლიკად არის მოხსენიებული.

აღსანიშნავია, რომ "Krause"-ს არაღიარებული ქვეყნებისთვის ცალკე კატალოგი აქვს განკუთვნილი, თუმცა მონეტების და რუკის ეს ფოტომასალა, 2019 წლის სტანდარტულ კატალოგში მოხვდა.

Sputnik Abkhazia იტყობინება, რომ მას შემდეგ რაც ხსენებული მასალა "Krause"-ს კატალოგში მოხვდა, ე.წ. ეროვნულ ბანკს ერთ-ერთი ცნობილი იტალიური გამოცემაც დაუკავშირდა და საოკუპაციო რეჟიმს მასალის მიწოდება სთხოვა.